ცხინვალის სოკუპაციო რეჟიმი თბილისს საერთაშორისო სამგზავრო თვითმფრინავების ჩამოგდებით ემუქრება.

ცხინვალის სოკუპაციო რეჟიმი თბილისს საერთაშორისო სამგზავრო თვითმფრინავების ჩამოგდებით ემუქრება, თუ ისინი ე.წ რესპუბლიკის “საჰაერო სივრცის” დარღვევას არ შეწყვეტენ, მაგალითად კი სეპარატისტებს 2014 წელს დონბასში ჩამოგდებული მალაიზიური ავიარეისის ტრაგედია მოჰყავთ და ამბობენ, რომ თუ მსგავსი შემთხვევა განმეორდა პასუხისმგებლობა საქართველოს დაეკისრება. ცხადია, რომ რუსეთის მხარდაჭერილი სეპარატისტული რეჟიმი კრემლის მესიჯებს აჟღერებს:

“ყველაფერი, რაც ჩვენი ტერიტორიების თავზე დაფრინავს, საყოველთაო წესების თანახმად, საჰაერო სივრცეში უნდა მოძრაობდეს რესპუბლიკური სახელმწიფო ორგანოების ნებართვით. აშკარაა, რომ ავიაკომპანიების უმრავლესობა იმ ქვეყნებიდანაა, რომლებიც “სამხრეთ ოსეთის რესპუბლიკას” საქართველოს ტერიტორიად თვლიან და ცხინვალთან კოორდინირებულად არ მოქმედებენ. მაგრამ ეს თვითმფრინავები მაინც დაფრინავენ ჩვენს ტერიტორიაზე. ამიტომ, ან მოუწევთ, როგორმე ოფიციალურად მოაგვარონ ეს საკითხი, ან შეცვალონ მარშრუტი ალანიის სახელმწიფოს ტერიტორიიდან. ამ შემთხვევაში, სასურველია ეს უკანასკნელი ვარიანტი და აი რატომ: ჩვენ ყველამ ვიცით, თუ რა ბედი ეწია მალაიზიურ ბოინგს, რომელიც 2014 წელს დონეცკის სახალხო რესპუბლიკის საჰაერო სივრცეში ჩამოაგდეს. როდესაც სამგზავრო ავიარეისს საბრძოლო მოქმედებების ეპიცენტრში ჰაერსაწინააღმდეგო თავდაცვის სისტემის რაკეტა მოხვდა, პასუხისმგებლობა სწორედ ახალგაზრდა რესპუბლიკას დააკისრეს.”