18-19 თებერვალი, 1921. გენშტაბი: თბილისის მისადგომებთან მტერმა მარცხი განიცადა.
გაზ. ერთობა, 1921 წლის 20 თებერვალი, N39
გენერალური შტაბის ცნობა
თფილისის, თებერვლის 19
ღამით, 18-19 თებერვალს, მტერმა დიდი ძალებით შემოუტია თფილისის მიდამოებში ჩვენს პოზიციებს.
მთელი ღამე გაგრძელდა სასტიკი ბრძოლა. მტერი უკუგდებულ იქნა დიდის ზარალით. ის უწესრიგოთ გარბის. მტრის დევნა გრძელდება ჯერ-ჯერობით წამოვიყვანეთ 1000-მდე ტყვე.
ღამით 18-19-ს მტერი დიდი ძალებით ეკვეთა ჩვენს პოზიციებს თფილისის შემოსასველში. მთელი ღამე სასტიკი ომი სწარმოებდა. დილით 19 თებერვალს მტერი სრულიად დამარცხდა და უწესრიგოთ გარბის. მტერს დიდი ზარალი მოუვიდა. ჯერ-ჯერობით ხელში ჩაგვივარდა ათასამდე ტყვე. მტრის მხარეზე დიდძალია დახოცილი.
