დეკემბერი 8, 2022

Gmas.ge

ქართული სამხედრო ანალიტიკური პორტალი

გერმანიამ უკრაინას სამი MLRS MARS II სარაკეტო დანადგარი გადასცა.

გერმანიამ უკრაინაში მძიმე იარაღის მორიგი მიწოდება განახორციელა. ამჯერად საუბარია MARS II მრავალჯერადი სარაკეტო სისტემებზე. ამის შესახებ გერმანიის თავდაცვის მინისტრმა ქრისტინე ლამბრეხტმა განაცხადა.

ქრისტინე ლამბრეხტმა დაამატა, რომ სამი MARS II MLRS და სულ 10 PZH-2000 თვითმავალი საარტილერიო დანადგარი  უკრაინაში გაიგზავნა Budeswehr-ის საწყობებიდან.

მან ასევე გამოაცხადა ხუთი საზენიტო თვითმავალი იარაღის (APU) Gepard-ის მიწოდების შესახებ. მაგრამ მან ხაზგასმით აღნიშნა, რომ ზოგადად, უკრაინა მიიღებს 30 ასეთ APU-ს დაპირებული 60,000 საბრძოლო მასალასთან ერთად.

უკრაინის თავდაცვის მინისტრმა ოლექსი რეზნიკოვმა თქვა, რომ  შეიარაღებულ ძალებს უკვე ჰყავს სამი გეპარდი.

გარდა ამისა, ლამბრეხტმა აღნიშნა, რომ შემოდგომაზე გერმანული კომპანიები უკრაინას კობრას ტიპის კონტრ-ბატარეის რადარს მიაწვდიან.

„კონტრაქტი უკვე გაფორმებულია და ახლა დაიწყება უკრაინელი სამხედროების მომზადება ამ უაღრესად რთულ სისტემაზე. ეს საშუალებას მისცემს ჩვენს საარტილერიო სისტემებს იმუშაონ კიდევ უფრო სწრაფად და ზუსტად“, – დასძინა მან.

მან ასევე ხაზგასმით აღნიშნა, რომ რამდენიმე დღეში დაიწყება უკრაინელი სამხედროების წვრთნები SLM Iris-T საჰაერო თავდაცვის სისტემაზე.

მაგრამ მან დასძინა, რომ იარაღის ქარხნული ვერსია შეიძლება უკრაინას შემოდგომაზე მიეწოდოს.

MLRS Mars II (Mittlere A rtillerie Raketen System) არის გერმანული მრავალჯერადი სარაკეტო სისტემა, რომელიც მიღებული იქნა ბუნდესვერის მიერ 1990 წელს.

ეს გამშვები დანადგრი მუხლუხოვან შასზე რეალურად არის ამერიკული M270 MLRS-ის ლიცენზირებული ასლი მცირე ცვლილებებით.

error: სტატიის დაკოპირება აკრძალულია!!!