პოლონეთის საგარეო საქმეთა სამინისტრომ გამოაქვეყნა განცხადება, რომელიც უკავშირდება აშშ-ის სახელმწიფო მდივნის ენტონი ბლინკენის განცხადებას, უკრაინისთვის თვითმფრინავების მიწოდების შესახებ.
განცხადებაში წერია, რომ პოლონეთის ხელისუფლება პრეზიდენტსა და მთავრობას შორის კონსულტაციების შემდეგ მზად არის თავისი ყველა MIG-29-ის ტიპის თვითმფრინავი „დაუყოვნებლივ და სასყიდლის გარეშე“განათავსოს აშშ-ის რამშტაინის სამხედრო ბაზაზე და გადავიდეს ისინი აშშ-ის მთავრობის განკარგულებაში.
ამავე დროს, ვკითხულობთ პოლონეთის საგარეო უწყების განცხადებაში, პოლონეთი მოითხოვს აშშ-გან, მიაწოდოს მას ნახმარი, მწყობრში მყოფი თვითმფრინავები. პოლონეთის მზად არის დაუყოვნებლივ განსაზღვროს ამ თვითმფრინავების შესყიდვის პირობები.
პოლონეთის მთავრობა მიმართავს ნატოელ მოკავშირეებს, მათ, ვისაც ასევე აქვს MIG-29-ის ტიპის თვითმფრინავები, იმოქმედონ ვარშავის მსგავსად, წერია პოლონეთის საგარეო საქმეთა სამინისტროს მიერ 8 მარტს გავრცელებულ განცხადებაში.
აშშ-ის სახელმწიფო მდივვანმა, ენტონი ბლინკენმაბ 6 მარტს მოლდოვვაში ვიზიტისას განაცხადა, რომ „აქტიურად განვიხილავთ თვითმფრინავების საკითხს, რომლებიც პოლონეთმა შეიძლება მიაწოდოს უკრაინას და შევისწავლით, თუ როგორ შეძლებს პოლონეთი შეავსოს თავისი მარაგი, თუ თვითმფრინავები კიევს მიაწოდა“, – თქვა ბლინკენმა და დასძინა, რომ ვადებზე ვერ ვილაპარაკებ, მაგრამ თემას განვიხილავთ ძალიან აქტიურად”. ბლინკენმა მაშინ დაადასტურა, რომ აშშ-ს არაფერი აქვს საწინააღმდეგო, თუ უკრაინას ნატოს წევრი სხვა ქვეყნები მიაწოდებენ საბრძოლო თვითმფრინავებს.
More Stories
ჯანდაცვის მსოფლიო ორგანიზაციის (WHO) რეკომენდაციები COVID-19 ისგან დასაცავად.
მაკედონიამ უკრაინას 4 Cy-25 მოიერიშე თვითფრინავი გადასცა.
უკრაინელმა სამხედროებმა HIMARS-ის დღისით გამოყენება აჩვენეს. (ვიდეო)