უკრაინამ დაასახელა კონკრეტულად რამდენი და რომელი შეიარაღება სჭირდება ქვეყნის არმიას.
უკრაინის პრეზიდენტის ოფისში დაასახელეს კონკრეტულად რამდენი და რომელი შეიარაღება სჭირდება ქვეყნის არმიას. პრეზიდენტის ოფისის ხელმძღვანელის მრჩეველი მიხაილო პოდოლიაკი ტვიტერზე წერს, რომ ომის დასასრულებლად უკრაინას მძიმე შეიარაღების მხრივ სჭირდება რუსეთთან პარიტეტი, კერძოდ, 1000 ჰაუბიცა 155 მილიმეტრიანი კალიბრით, ზალპური ცეცხლის 300 რეაქტიული სისტემა, 500 ტანკი, 2000 ერთეული ჯავშანტექნიკა და 1000 დრონი.
პოდოლიაკის თანახმად, 15 ივნისს, ბრიუსელში გაიმართება უკრაინის მხარდასაჭერად შექმნილ საკონტაქტო ჯგუფში გაერთიანებული ქვეყნების თავდაცვის მინისტრების შეხვედრა და მათგან გადაწყვეტილებებს ელოდებიან.
უკრაინა მხარდამჭერი ქვეყნებისგან მძიმე შეიარაღებით დახმარებას განსაკუთრებით აქტიურად ითხოვს მას შემდეგ, რაც რუსეთმა ძირითადი ძალები გადაისროლა უკრაინის აღმოსავლეთში, “დონბასზე სრული კონტროლის დასამყარებლად”.
ივნისის დასაწყისში, აშშ-მა და დიდმა ბრიტანეთმა პირველად გამოაცხადეს, რომ უკრაინას გადასცემენ ზალპური ცეცხლის რეაქტიულ სისტემებს. საუბარი იყო საერთო ჯამში, ათამდე ასეთ სისტემაზე.
Being straightforward – to end the war we need heavy weapons parity:
1000 howitzers caliber 155 mm;
300 MLRS;
500 tanks;
2000 armored vehicles;
1000 drones.Contact Group of Defense Ministers meeting is held in #Brussels on June 15. We are waiting for a decision.
— Михайло Подоляк (@Podolyak_M) June 13, 2022
