უკრაინელი სამხედროები დონბასში პოლონურ T-72M1R ტანკებს იყენებენ.
უკრაინის არმიის “Контакт-1” დინამიკური დაცვით აღჭურვილი პოლონური T-72M1R ტიპის ტანკი
დონბასის დასაცავად, უკრაინის შეიარაღებულმა ძალებმა გამოიყენეს პოლონური მოდერნიზაციის T-72M1R ტანკები. ტანკებთან ერთად ფოტოები გამოაქვეყნეს უკრაინის Weapons Tracker-ის ანალიტიკოსებმა.
მოდერნიზებული T-72M1R ტანკები პოლონეთიდან უკრაინაში დინამიური დაცვის გარეშე გადაიტანეს.
ფოტოებზე შესამჩნევია, რომ უკრაინელმა სამხედროებმა პოლონურ T-72M1R ტიპის ტანკებზე ბრძოლაში გამოყენებამდე დინამიკური დაცვა “Контакт-1” დაამონტაჟეს. რითაც მნიშვნელოვნად გაიზარდა ტანკის თავდაცვისუნარიანობა.
აღსანიშნავია, რომ ერთ-ერთი მათგანიდან კვამლის გამშვები მოწყობილობები ამოღებულ იქნა “Контакт-1” ბლოკების უფრო მოსახერხებელი დამონტაჟებისათვის.
“Контакт-1” დინამიკური დაცვის ელემენტები იცავს ჯავშანტექნიკას მტრის კუმულაციური რაკეტების და ჭურვებისაგან.
როდესაც დინამიკური დაცვის ელემენტი კუმულაციური ჭავლით იხვრიტება , მასში არსებული ფეთქებადი ნივთიერება აფეთქდება და დინმიკური დაცვის ელემენტის კორპუსის ლითონის ფირფიტები საპირისპირო მიმართულებით იწყებენ გაფანტვას. დინამიკური დაცვის ზემოქმედების შედეგად მცირდება კუმულაციური ჭურვის ჯავშნის გამხვრეტი მახასიათებლები.
პოლნოლური T-72M1R ტიპის ტანკი დინამიკური დაცვის გარეშე
მიუხედავად პოლონეთის მიერ ლეოპარდისა და აბრამსის ტანკების მიღებისა, T-72-ები მაინც გამოიყენებოდა პოლონეთის არმიის მიერ. იგეგმებოდა მათი განახლება T-72M1R ვერსიამდე.
T-72M1R ვერსია გამოირჩევა თერმული გამოსახულების სამიზნე მოწყობილობით, პასიური ღამის ხედვის მოწყობილობებით, ციფრული საკომუნიკაციო სისტემით (რომელიც საშუალებას აძლევს ტანკებს ინტეგრირდეს ბრძოლის ველზე ერთიან საკონტროლო სისტემაში) ახალი ელექტრო მოწყობილობებით და მუხლუხებით.
ცვლილებები შეეხო ძრავსაც, რომელიც შეიცვალა უფრო მძლავრი და აღჭურვილია ციფრული სტარტის სისტემით. აღჭურვილობის ნაწილი იდენტურია ლეოპარდ-2-ის ტანკებზე დაყენებული.
გარეგნულად T-72M1R გამოირჩევა ინფრაწითელი პროჟექტორის არარსებობით, რომელიც ჩვეულებრივ დამონტაჟებულია იარაღის მარჯვნივ. პოლონელი ექსპერტების აზრით ამ ვერსიის უარყოფითი მხარე მოიცავს ლაზერული გამოსხივების დეტექტორის არარსებობას. შეიარაღება და ჯავშანტექნიკა ასევე არ იცვლება.
დინამიკური დაცვის ელემენტი “Контакт-1” რომელიც დამონტაჟებული იქნა პოლონურ T-72M1Rტანკებზე.
დონბასი უკრაინის შეიარაღებული ძალების “Контакт-1” დინამიკური დაცვით აღჭურვილი პოლონური Т-72M1R ტიპის ტანკი.
P.S
უკრაინელმა სამხედროებამ არ გაიმეორეს იმავე რუსი ოკუპანტების შეცდომა რომელიც მათ 1994 წლის დეკემბერში გროზნოზე შეტევის დროს დაუშვეს როდესაც დინამიკური დაცვის გარეშე Т-72 და Т-80 ტიპის ტანკებით გროზნოში შევიდნენ.
დინამიკური დაცვის არ მქონე რუსული Т-72 და Т-80 ტიპის ტანკები ჩეჩენმა მებრძოლებმა გროზნოს ქუჩებში RPG- 7 ტიპის ხელის ტანკსაწინააღმდეგო ყუმბარსატყორცნებით ადვილად ააფეთქეს.
მოამზადა იოსებ ჭონქაძემ.
