უკრაინის არმიამ ამერიკული HIMARS-ებით რუსი ოკუპანტების ორი სამეთაურო პუნქტი გაანადგურა (ვიდეო)
უკრინის არმიის ქვედანყოფებმა ამერიკული HIMARS მობლური სარაკეტო სისტემებით ზუსტი საარტილერიო დარტყმები მიაყენეს რუსული ჯარების ორ სამეთაურო პუნქტს. განადგურდა მოწინააღმდეგის უამრავი ტექნიკა და ცოცხალი ძალა.
ამის შესახებ RBC-Ukraine უკრაინის შეიარაღებული ძალების სტრატკომზე დაყრდნობით იუწყება
ცნობილია, რომ პირველი არის რუსეთის შეიარაღებული ძალების დასავლეთ სამხედრო ოლქის მე-20 არმიის სამეთაურო პუნქტი (სამხედრო ნაწილი 89425, ვორონეჟი), რომელიც განლაგებულია იზუმში სკოლის შენობაში.
მეორე დარტყმა უკრიანელებმა რუსეთის ფედერაციის შეიარაღებული ძალების საჰერო სადესანტო ჯარების მართვის პუნქტზე განახორციელეს.
შეგახსენებთ, რომ ახლახან უკრაინამ მიიღო HIMARS მრავალჯერადი სარაკეტო სისტემები.
გარდა ამისა, ასევე ცნობილი გახდა, რომ ამერიკის შეერთებული შტატები უკრაინისთვის HIMARS სარაკეტო სისტემების მეორე პარტიას ამზადებს. მათი მიწოდება ივლისშია მოსალოდნელი.
