უკრაინის არმიამ გოსტომელის აეროდრომი დაიბრუნა.
უკრაინის არმიამ კიევის მახლობლად მდებარე ქალაქ გოსტომელის აეროდრომზე კონტროლი აღადგინა. ამის შესახებ ინფორმაციას პრეზიდენტის ადმინისტრაციის უფროსის მრჩეველი ალექსეი არესტოვიჩი ავრცელებს.
დაახლოებით ერთი საათის წინ გავრცელდა ინფორმაცია, რომ უკრაინელმა სამხედროებმა მძიმე ბრძოლების შემდეგ გოსტომელის აეროპორტზე კონტროლი დაკარგეს და იქ რუსი მედესანტეები დაეშვნენ.
აეროდრომზე გადმოსხმული რუსული დესანტი განადგურდა, წერს არესტოვიჩი.
უმაღლესი რადას პრესსამსახურმა ხაზგასმით აღნიშნა, რომ ქალაქი მთლიანად უკრაინის ჯარების კონტროლის ქვეშაა.
