ირანი რუსეთს კასპიის ზღვის გავლით აწვდიდა საბრძოლო მასალას – SkyNews.

ირანი რუსეთს აწვდიდა საბრძოლო მასალას რუსეთის დროშის ქვეშ მდგარი გემების გამოყენებით. საუბარია მილიონობით საბრძოლო მასალაზე მცირე და საარტილერიო ჭურვებისთვის.

ამის შესახებ SkyNews-ის ჟურნალისტებს სპეცსამსახურების წყაროებმა აცნობეს.

გემებმა მუსა ჯალილმა და ბეგეიმ ირანის პორტი დაახლოებით 10 და 12 იანვარს დატოვეს. ბორტზე ორივე გემს 200-მდე კონტეინერი გადაჰქონდა, რომლებიც, სავარაუდოდ, იარაღით იყო სავსე.

SkyNews-ის ცნობით, კონტეინერებში დაახლოებით 100 მილიონი 5.56 მმ, 7.62 მმ, 9 მმ, 12.7 მმ და 14.5 მმ საბრძოლო მასალა იყო.

ასევე, წყაროს ცნობით, მათ გადაიტანეს 300 000 ჭურვი, მათ შორის:  ყუმბრები  40მმ კალიბრის ყუმბარმტყორცნისთვის, 107 მმ კალიბრის ტანკსაწინააღმდეგო რაკეტები; სხვადასხვა კალიბრის ნაღმტყორცნების  – 60 მმ, 81 მმ და 120 მმ-იანი ნაღმები,  რეაქტიული რაკეტები (120 მმ და 152 მმ კალიბრის )  115 მმ და 125 მმ ჯავშანგამატანი ჭურვები.

გარდა ამისა, ირანიდან რუსეთში 10000-მდე ჯავშანი და ჩაფხუტი ჩაიტანეს.