აშშ-მ აბრამსის ტიპის ტანკები გერმანიას უკრაინელების მომზადებისთვის მიაწოდა
შეერთებულმა შტატებმა გერმანიას გადასცა 31 M1 Abrams-ის ტანკი უკრაინელი ეკიპაჟების მოსამზადებლად.
ამის შესახებ პენტაგონის პრესმდივანმა პეტ რაიდერმა განაცხადა.
სასწავლო პროგრამა მოიცავს არა მხოლოდ ეკიპაჟების მომზადებას ამერიკული ტანკების მართვისთვის, არამედ ამ საბრძოლო მანქანების ტექნიკური პერსონალის მომზადებას.ტანკები გადაეცა გერმანიის გრაფენვერის სასწავლო ცენტრს.
უკრაინელი ეკიპაჟები გერმანიაში ჩავლენ და M1 Abrams-ის ტანკებზე ვარჯიშს დაიწყებენ უახლოეს კვირებში.
ოფიციალური პირის განცხადებით, უკრაინელი ტანკერების და მექანიკოსების წვრთნას ამერიკელი ინსტრუქტორები აშშ-ის სახმელეთო ჯარების მე-7 არმიის სასწავლოცენტრდან ჩაატარებენ.
