გერმანიამ უკრაინას სამხედრო დახმარების ახალი პაკეტი მიაწოდა.
კიევმა გერმანიიდან იარაღის ახალი პარტია მიიღო, ამის შესახებ გერმანიის ფედერალური მთავრობის ვებ-გვერდზეა ნათქვამი. უკრაინის შეიარაღებული ძალების გენერალური შტაბი სამხედრო დახმარების მიღებას ადასტურებს. განახლებული სიების მიხედვით, გასულ კვირას გერმანელებმა კიევს მიაწოდეს საბრძოლო მასალა Leopard 1 ტანკებისთვის, რომლებიც ჯერ არ შესულან უკრაინის შეიარაღებულ ძალებში, მაგრამ მოსალოდნელია უახლოეს მომავალში.
გარდა ამისა, დახმარება მოიცავდა: ორი MAN HX81 8X8 სატვირთო ტრაქტორი და 14 ნახევრადმისაბმელი, რომელიც განკუთვნილია ტანკების გადასატანად, შვიდი THEMIS რობოტული სათვალთვალო სისტემა, 64 Bandvagn 206 (BV206) ორმხრივი სატრანსპორტო საშუალება და 66 ჯავშანტრანსპორტიორი.
