დუშეთის მუნიციპალიტეტის საკრებულომ დაბა ფასანაურში მდებარე ქუჩას აფხაზეთის ომში დაღუპული მებრძოლის ნუგზარ გვრიტიშვილის სახელი მიანიჭა
დუშეთის მუნიციპალიტეტის საკრებულომ 2022 წლის 25 ნოემბერს გამართულ სხდომაზე მიიღო განკარგულება N67 –დუშეთის მუნიციპალიტეტის ფასანაურის ადმინისტრაციული ერთეულის დაბა ფასანაურში მდებარე მეორე ქუჩისთვის ნუგზარ გვრიტიშვილის სახელის მინიჭების შესახებ.
აღნიშნული განკარგულების თანახმად, დუშეთის მუნიციპალიტეტის დაბა ფასანაურში მდებარე მეორე ქუჩას აფხაზეთის ომში დაღუპული სამხედრო მოსამსახურის ნუგზარ გვრიტიშვილის სახელი მიენიჭა.
დაბა ფასანაურში მდებარე ქუჩისთვის აფხაზეთის ომში დაღუპული სამხედრო მოსამსახურის ნუგზარ გვრიტიშვილის სახელის მინიჭების თაობაზე ინიციატივით დუშეთის მუნიციპალიტეტის საკრებულოს დუშეთის მუნიციპალიტეტის საკრებულოს თავმჯდომარის მოადგილე გვანცა ესტატიშვილმა მიმართა.
ნუგზარ გვრიტიშვილი მარცხნიდან პირველი
სახელდების შესახებ ინიციატივამ დუშეთის მუნიციპალიტეტის საკრებულოში და საქართველოს რეგიონული განვითარებისა და ინფრასტრუქტურის სამინისტროს სახელდების სამთავრობო კომისიაში,”გეოგრაფიული ობიექტების სახელდების შესახებ” საქართველოს კანონის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის N239 დადგნილებით გათვალისწინებული პროცედურები გაიარა.
„სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“ საქართველოს კანონის მე-2 მუხლის „ვ“ პუნქტის თანახმად: სამშობლოს დაცვისას დაღუპულისა და ომის შემდეგ გარდაცვლილი მეომრის ხსოვნის უკვდავყოფის ერთ-ერთი ფორმაა სამშობლოს დაცვისას დაღუპულისა და ომის შემდეგ გარდაცვლილი მეომრის სახელისა და გვარის დარქმევა ქუჩისათვის, მოედნისათვის, დაწესებულებისათვის, სკოლისათვის, აგრეთვე – სამხედრო ნაწილისა და გემისათვის, რომლებმაც განსაკუთრებით გამოიჩინეს თავი საბრძოლო ოპერაციების ჩატარების დროს.
სადესანტო-მოიერიშე ბატალიონი ნუგზარ გვრიტიშვილი მარჯვნივ
ნუგზარ ბუთულას-ძე გვრიტიშვილი დაიბადა 1974 წლის 19 მაისს დუშეთის რაიონში დაბა ფასანაურში, დაამთავრა ფასანაურის საჯარო სკოლა, 1992 წელს გაწვეული იქნა საქართველოს შეიარაღებულ ძალებში .
ნუგზარ გვრიტიშვილი 1993 წლის პირველი აპრილიდან-1993 წლის 13 ივლისის ჩათვლით ირიცხებოდა საქართველოს თავდაცვის სამინისტროს სახმელეთო ჯარების სადესანტო-მოიერიშე ბატალიონის პირად შემადგენლობაში ზემდეგად.
თავდაცვის სამინისტროს სადესანტო-მოეირიშე ბატალიონი ერთ-ერთი პირველი ჩაება 1993 წლის 2 ივლისს ოჩამჩირის რაიონის დაბა ტამისში გადმოსხმულ რუსული საზღვაო დესანტთან ბრძოლაში.
რუსულ საზღვაო დესანტთან ბრძოლაში 1992 წლის 2 ივლისს სადესანტო-მოიერიშე ბატალიონის 15 მებრძოლი დაიჭრა, მათ შორის თავის არეში მსუბუქად დაიჭრა ბატალიონის ყველაზე ახალგაზრდა მებრძოლი ნუგზარ გვრიტიშვილი (მალიშა) რის გამოც თბილისში იქნა სამკურნალოდ გამოგზავნილი.
ნუგზარ გვრიტიშვილი სავაადმყოფოდან გაიპარა და ოჯხის წევრების მონახულების შემდეგ ისევ აფხაზეთში დაბრუნდა ბრძოლის გასაგრძელებლად.
1993 წლის 13 ივლისს ბაბუშარას აეროპორტთან სადესანტო-მოიერიშე ბატალიონის პოზიციები აფხაზები სეპარტისტების მიერ განხორციელებულ საარტილერიო დაბომბვაში მოყვა, საარტილერიო ჭურვების აფეთქების შედეგად ნუგზარ გვრიტიშვილმა თავის არეში სასიკვდილო დაზინებები მიიღო, მასთნა ერთად ბატალიონის კიდევ ექვსი სამხედრო მოსამსახურე დაიღუპა.
სადესანტო-მოიერიშე ბატალიონის 19 წლის ზემდეგი ნუგზარ გვრიტიშვილი საქართველოს პრეზიდენტის 2017 წლის 27 სექტემბრის N 27/09/03 განკარგულებით დაჯილდოვდა ვახტანგ გორგასლის III ხარისხის ორდენით.
მოამზადა იოსებ ჭონქაძემ
