ეგვიპტემ უარი თქვა რუსეთის “გრადის” რაკეტების მიწოდებაზე და გადაწყვიტა უკრაინისთვის საბრძოლო მასალის წარმოება

ეგვიპტემ, აშშ-ს ოფიციალურ პირებთან მარტში მოლაპარაკების შემდეგ, შეაჩერა რუსეთისთვის რაკეტების ფარული მიწოდების გეგმა.

ამის შესახებ The Washington Post-ი აშშ-ის დაზვერვის ხუთ დოკუმენტზე დაყრდნობით იუწყება.

ამერიკული გამოცემის ცნობით, ეგვიპტემ გადაწყვიტა უკრაინისთვის საარტილერიო საბრძოლო მასალის წარმოება.

დოკუმენტებიდან ჩანს, რომ ეგვიპტემ გადადო რუსეთთან შეთანხმება და დაამტკიცა 152 მმ და 155 მმ ჭურვების მიყიდვა შეერთებულ შტატებს უკრაინაში შემდგომი გადასატანად.

WP აღნიშნავს: უცნობია დაიწყო თუ არა ასეთი მიწოდება, მაგრამ გამოცემა ამას აშშ-ს პრეზიდენტის ადმინისტრაციის დიპლომატიურ გამარჯვებას უწოდებს.

გასულ კვირას გავრცელდა ინფორმაცია, რომ ეგვიპტის პრეზიდენტმა აბდელ ფატაჰ ალ-სისიმ, რომელიც ითვლება აშშ-ს ერთ-ერთ უახლოეს მოკავშირედ ახლო აღმოსავლეთში და აშშ-ს დახმარების უმსხვილეს მიმღებად, ცოტა ხნის წინ, სავარაუდოდ, ბრძანა 40000-მდე Sakr 45 კალიბრის 122 მმ-ის წარმოება.

ამ საბრძოლო მასალის გამოყენება შესაძლებელია Grad-ის მრავალჯერადი სარაკეტო სისტემებში.
როგორც ვარაუდობენ, დოკუმენტში სისიმ ჩინოვნიკებს დაავალა საიდუმლოდ შეენახათ რუსეთის ფედერაციისთვის რაკეტების წარმოება და მიწოდება, „დასავლეთთან პრობლემების თავიდან ასაცილებლად“.

მაგრამ ახალი დოკუმენტები, რომლებიც WP-ის რეპორტიორებმა მოიპოვეს ადრე გამოუქვეყნებელი მასალისგან, მიუთითებს იმაზე, რომ სისიმ, სავარაუდოდ, მიატოვა მოსკოვისთვის იარაღის მიწოდების გეგმები მარტის დასაწყისში.

ეგვიპტე სავარაუდოდ აპირებდა გამოიყენოს თავისი იარაღის წარმოების შესაძლებლობები უკრაინისთვის, როგორც ბერკეტი მოწინავე ამერიკული სამხედრო პროდუქტების მოსაპოვებლად, ნათქვამია დოკუმენტში.

The Washington Post აღნიშნავს, რომ ეგვიპტეს აქვს დიდი ხნის დიპლომატიური და სამხედრო თანამშრომლობა რუსეთთან, მაგრამ ათწლეულების განმავლობაში ის იყო ამერიკის მთავარი მოკავშირე ახლო აღმოსავლეთში.

ქვეყანა ყოველწლიურად 1 მილიარდ დოლარზე მეტ სამხედრო დახმარებას იღებს შეერთებული შტატებისგან.