პარლამენტის თავდაცვის და უშიშროების კომიტეტის თავმჯდომარის მოადგილე თეონა აქუბარდია თავდაცვის ახლი კოდექსის შესახებ

თავდაცვის კოდექსის მეორე მოსმენა დასრულებულია. მე ჩემი ვეცადე. 2016 წლიდან გზაში იყო 2023 მდე ეს კანონი პარლამენტამდე და საუკეთესო ვერსია ნამდვილად არ არის სამწუხაროდ, მიუხედავად ჩემი მცდელობისა.

სამხედრო სავალდებულო სამსახურში როცა ამბობ რომ ყველას გაწვევაა აუცილებელი ქვეყნისთვის, შემდეგ კი გადავადების საფუძვლებში ისეთ ხალხს მოაქცევ, ვისაც პირველ რიგში უნდა ჰქონდეს გავლილი სავალდებულო სამსახური და ზედ პროკურორების თანაშემწეებსაც აყოლებ, გასაგებია ყველაფერი. 71- მუხლში ესეთი პუნქტი გააჩინეს, რაც საკმაოდ ბევრს ეხება:

“იგი მუშაობს სამინისტროში ან/და სამინისტროს სისტემაში მოქმედ საჯარო სამართლის იურიდიულ პირში, საქართველოს შინაგან საქმეთა სამინისტროში, საქართველოს იუსტიციის სამინისტროს სისტემაში შემავალ სახელმწიფო საქვეუწყებო დაწესებულებაში – სპეციალურ პენიტენციურ სამსახურში, სახელმწიფო უსაფრთხოების, საქართველოს დაზვერვისა და სახელმწიფო დაცვის სპეციალურ სამსახურებში;”