სლოვაკეთმა უკრაინას პირველი МиГ-29 ტიპის გამანადგურებელი თვითფრინავები უკვე გადასცა.
სლოვაკეთმა უკრაინის საჰაერო ძალებს პირველი МиГ-29 გამანადგურებლები გადასცა. ამის შესახებ ინფორმაციას ქვეყნის თავდაცვის სამინისტრო ავრცელებს.
სლოვაკეთის თავდაცვის მინისტრმა იაროსლავ ნაგიმ განაცხადა, რომ უკრაინაში ოთხი თვითმფრინავი ჩამოვიდა.
გამანადგურებლების გადაყვანა უკრაინელმა მფრინავებმა სლოვაკეთის საჰაერო ძალების და უკრაინელი პერსონალის დახმარებით განახორციელეს.
„მადლობა ყველას, ვინც მონაწილეობდა შესანიშნავი პროფესიული მუშაობისთვის. სლოვაკეთი სწორ მხარესაა და ამ ჟესტით ჩვენ, როგორც ქვეყანამ დიდი ასოებით შევიყვანეთ თანამედროვე მსოფლიო ისტორიაში, რაც დროულ დახმარებაზე, გულწრფელ სოლიდარობაზე და ერის სიდიადეზე მეტყველებს“, – განაცხადა მან.
უახლოეს კვირებში უკრაინაში სხვა თვითმფრინავებიც გადაიგზავნება, თუმცა ოპერატიული მიზეზების გამო სააგენტო დეტალებს არ აკონკრეტებს.
ამის შესახებ ინფორმაცია უკრაინულ მხარეს, როგორც ამ შემთხვევაში, მათი უსაფრთხო გადაყვანისთანავე დადასტურდება.
МиГ-29 გამანადგურებლების გადაყვანა სლოვაკეთსა და უკრაინას შორის სამთავრობათაშორისო შეთანხმების ფარგლებში ხდება.
„საერთოდ, ჩვენ უკრაინას გადავცემთ საბჭოთა წარმოების 13 გამანადგურებელ თვითმფრინავს და КУБ ტიპის საზენიტო-სარაკეტო სისტემას“, – აცხადებენ ქვეყნის თავდაცვის სამინისტროში.
პოლონეთი ასევე მზადაა, სლოვაკეთთან ერთად, МиГ-29 გამანადგურებლები გადასცეს უკრაინის საჰაერო ძალებს.
ცოტა ხნის წინ პოლონეთის პრეზიდენტმა ანჯეი დუდამ დაადასტურა მსგავსი ქმედებებისთვის მზადყოფნა. მისი თქმით, ვარშავა მზადაა უკრაინაში თავისი МиГ-29 გამანადგურებელი საერთაშორისო კოალიციის ფარგლებში გადაიტანოს.
უკვე 16 მარტს ანდჟეი დუდამ გამოაცხადა, რომ უახლოეს დღეებში პოლონეთი გეგმავს უკრაინაში გადაიტანოს პირველი ოთხი МиГ-29 გამანადგურებელი, მოგვიანებით კი ყველა მისი ამ ტიპის თვითმფრინავი.
