პოლონეთმა პირველი ამერიკული M1А1 “Abrams” ტიპის ტანკები მიიღო
ქალაქ შჩეცინში პოლონეთის თავდაცვის სამინისტრომ მიიღო პირველი 14 ამერიკული M1А1 Abrams ტანკი.
პოლონეთის თავდაცვის მინისტრმა მარიუშ ბლაშჩაკმა აღნიშნა , რომ ამერიკელ პარტნიორთან ორ ხელშეკრულებას მოაწერა ხელი 366 აბრამსის ტანკის შეძენის შესახებ.
პირველი 14 M1A1 Abrams ტანკი ჩამოიტვირთა პირველი პოლონური ქვედანაყოფისთვის , რომელიც აღიჭურვა ამ მანქანებით. ტანკები გააძლიერებენ ლეოპარდ-2 ტანკებით შეიარაღებულ ვარშავის 1-ელ ჯავშან ბრიგადას, რომელიც მე-18 მექანიზებული დივიზიის ნაწილია.
მე-18 მექანიზებული დივიზია ასევე მიიღებს 250 Abrams M1A2 SEP v.3 ტანკს, რომელიც კონტრაქტი იყო 2022 წლის აპრილში.
Abrams-ის ტანკების მიწოდება ხორციელდება მიმდინარე წლის 4 იანვრით დათარიღებული ხელშეკრულებით, ეს ეხება 116 M1A1 Abrams ტანკს (მორგებული პოლონეთის შეიარაღებული ძალების მოთხოვნებზე).
ტანკებთან ერთად შემოდის ტექნიკური მანქანები: ხიდ დამგებები, სამეთაურო მანქანები, ასევე სარემონოტო მნქანები HMMWV ის შასიზე.
კონტრაქტის ფარგლებში, პოლონეთის არმია მიიღებს საბრძოლო მასალის, წვრთნებისა და ლოგისტიკის კომპლექტს.
გარიგების ფარგლებში, აღჭურვილობის გარდა, ასევე მიეწოდება 116 12,7 მმ M2 ტყვიამფრქვევი, 232 ერთეული 7,62 მმ M240 ტყვიამფრქვევი და 6 სათადარიგო AGT1500 გაზის ტურბინის ძრავა.
თანამედროვე M1A1 ტანკებმა შეერთებულ შტატებთან სამსახურში გაიარა მნიშვნელოვანი მოდერნიზაცია, რამაც ნაწილობრივ მიიყვანა ისინი M1A2 დონეზე.
ამრიგად, M1A1 საბრძოლო მანქანებმა AIM-SA და FEP ვერსიებში მიიღეს მსგავსი განახლების პაკეტები, რამაც გაზარდა ტანკების საცეცხლე ძალა.
შეგახსენებთ, რომ აბრამსის მთავარი საბრძოლო ტანკების მომსახურების ცენტრი პოლონეთშიც შეიქმნება.
