Leopard-1A5DK ტანკები უკრაინას ივნისის დასაწყისში მიეწოდება

დანიის თავდაცვის მინისტრი ტროელს ლუნდ პულსენი და გერმანიის თავდაცვის მინისტრი ბორის პისტორიუსი გერმანიაში სასწავლო ცენტრს ეწვივნენ, სადაც უკრაინელი სამხედროების წვრთნა Leopard 1A5DK ტანკებზე დაიწყო.

ინფორმაციას TV 2-ის დანიური გამოცემა ავრცელებს.

ვიზიტის დროს პოლსენმა განაცხადა, რომ უკრაინელი სამხედროების წვრთნა Leopard 1-ის ტანკებზე დაახლოებით ერთი თვე გაგრძელდება.

დანიის მინისტრის თქმით, 80 ტანკის გადაყვანა 1 ივნისამდე უნდა განხორციელდეს.

„შეწირულობას, რომლის პირველ მიწოდებას ახლა ვიხილავთ, ძალიან, ძალიან დიდს ვუწოდებთ. ის, რომ ჩვენ ვამარაგებთ 80 ლეოპარდ 1 ტანკს, ძალიან მნიშვნელოვანი თანხაა“, – განაცხადა ტროელს ლუნდ პულსენმა.

საუბარია უკრაინისთვის გასაგზავნა 80 Leopard 1A5DK ტანკზე რომლებიც იყიდა კერძო გერმანულმა კომპანიამ FFG-მ, მას შემდეგ რაც ისინი საბოლოოდ დანიის არმიამ 2005 წელს გააუქმა.

დანიურმა და გერმანულმა მხარეებმა ამ ტანკების შეკეთებასა და მოდერნიზაციაზე 3 მილიონი ევრო გამოყო. გერმანულმა თავდაცვის კომპანია Krauss-Maffei Wegmann-მა Leopard 1A5 ტანკების მომზადება უკრაინისთვის  მიწოდებაზე  თებერვლის დასაწყისში დაიწყო.

დანიური Leopard 1A5DK ტანკები არის Leopard 1A3 ტანკების მოდიფიცირებული ვერსია შედუღებული კოშკით, განახლებული Leopard 1A5-ის დონემდე 1990-იანი წლების დასაწყისში.

მოდერნიზაციის დროს ტანკმა მიიღო თანამედროვე იარაღის სტაბილიზატორი,თერმული დასამიზნებელი ხელსასწყო და ახალი კომპიუტერიზებული ცეცხლის მართვის სისტემა EMES 18.

ტანკი შეიარაღებულია 105 მმ L7A3 ქვემეხით, რომელსაც შეუძლია ნატოს ქვეყნების მიერ წარმოებული ყველა სტანდარტული 105 მმ ჭურვის სროლა.

error: სტატიის დაკოპირება აკრძალულია!!!