დუშეთის მუნიციპალიტეტის საკრებულომ სოფელ აბანოსხევში მდებარე მე-6 ქუჩას აფხაზეთის ომში დაღუპული დუშეთის ბატალიონის მებრძოლის კახა მწითურის სახელი მიანიჭა
კახა მწითური მარჯვნიდან პირველი
დუშეთის მუნიციპალიტეტის საკრებულომ 2024 წლის 26 ივლისს გამართულ სხდომაზე მიიღო განკარგულება N47 “დუშეთის მუნიციპალიტეტის ლაფანაანთკარის ადმინისტრაციული ერთეულის სოფელ აბანოსხევში მდებარე მე-6 ქუჩისთვის აფხაზეთის ომში დაღუპული დუშეთის ბატალიონის სამხედრო მოსამსახურის – კახა მწითურის სახელის მინიჭების შესახებ”.
აღნიშნული განკარგულების თანახმად: დუშეთის მუნიციპალიტეტის ლაფანაანთკარის ადმინისტრაციული ერთეულის სოფელ აბანოსხევში მდებარე მე-6 ქუჩას აფხაზეთის ომში დაღუპული დუშეთის ბატალიონის სამხედრო მოსამსახურის – კახა მწითურის სახელი მიენიჭა.
სოფელ აბანოსხევში მდებარე მე-6 ქუჩისთვის აფხაზეთის ომში დაღუპული დუშეთის ბატალიონის სამხედრო მოსამსახურის – კახა მწითურის სახელის მინიჭების შესახებ ინიციტივით დუშეთის მუნიცპალიტეტის საკრებულოს საკრებულოს წევრმა ლევან მწითურმა 2023 წლის 27 ოქტომბერს მიმართა.
სახელდების შესახებ ინიციატივამ დუშეთის მუნიციპალიტეტის საკრებულოში და საქართველოს რეგიონული განვითარებისა და ინფრასტრუქტურის სამინისტროს სახელდების სამთავრობო კომისიაში,”გეოგრაფიული ობიექტების სახელდების შესახებ” საქართველოს კანონის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის N239 დადგნილებით გათვალისწინებული პროცედურები გაიარა.
„სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“ საქართველოს კანონის მე-2 მუხლის „ვ“ პუნქტის თანახმად: სამშობლოს დაცვისას დაღუპულისა და ომის შემდეგ გარდაცვლილი მეომრის ხსოვნის უკვდავყოფის ერთ-ერთი ფორმაა სამშობლოს დაცვისას დაღუპულისა და ომის შემდეგ გარდაცვლილი მეომრის სახელისა და გვარის დარქმევა ქუჩისათვის, მოედნისათვის, დაწესებულებისათვის, სკოლისათვის, აგრეთვე – სამხედრო ნაწილისა და გემისათვის, რომლებმაც განსაკუთრებით გამოიჩინეს თავი საბრძოლო ოპერაციების ჩატარების დროს.
კახა დავითის-ძე მწითური დაიბადა 1972 წლის 12 აპრილს დუშეთის მუნიციპალიტეტის სოფელ აბანოსხევში.
1987 წელს დაამთავრა სოფელ აბანოსხევის საშუალო სკოლა.1991 წელს დაამთავრა რკინიგზის ტექნიკუმი.
1992 წლის 22 მაისს გაწვეული იქნა საქართველოს შეიარაღებულ ძალებში სამხედრო სავალდებულო სამსახურის მოსახდელად კერძოდ თავდაცვის სამინისტროს დუშეთის სწრაფი რეაგირების ბატალიონში.
1993 წლის 5 მარტს კახა მწითური დუშეთის სწრაფი რეგირების ბატლიონის შემადგენლობაში გაემგზავრა აფხაზეთში საქართველოს ტერიტორიული მთლიანობის დასაცავად. 1993 წლის 5 მარტიდან -1993 წლის 29 აპრილამდე კახა მწითური დუშეთის ბატალიონის შემადგენლობაში მონაწილეობას იღებს ქვედანაყოფის მიერ ოჩამჩირის რაიონში განხორციელებულ საბრძოლო ოპერაციებში სადაც თავი გამოიჩინა როგორც უშიშარმა და მამაცმა მებრძოლმა.
1993 წლის 29 აპრილს დუშეთის სწრაფი რეგირების ბატალიონი აფხაზეთიდან დროებით დისლოკაციის ადგილზე დაბრუნდა. 1993 წლის 24 აპრილს დასვენების შემდეგ დუშეთის სწრაფი რეაგირების ბატალიონი კვლავ აფხაზეთში მიემგზავრება.
დუშეთის სწრაფი რეაგირების ბატალიონის ქვედანაყოფები ოჩამჩირის რაიონში სოფელ ტამისში და ლაბრაში იკავებენ საბრძოლო პოზიციებს. 1993 წლის 2 ივლისს გამთენისას ოჩამჩირის რაიონის სოფელ ტამისში რუსული საზღვაო დესანტი გადამოსხეს რომელიც მოულოდნელად თავს დაესხა ტამიში- ლაბრას მონაკვეთზე განლაგებულ ქართული არმიის შენაერთებს.
1993 წლის 2 ივლისს ტამისში რუსულ საზღვაო დესანტთან ბრძოლაში გმირულად დაიღუპა დუშეთის ბატალიონის მებრძოლი კახა მწითური. დაკრძალულია სოფელ აბანოსხევში.
