მე-20 ტერიტორიული თავდაცვის ბრიგადის 203-ე ბატალიონის მორიგი შევსება განხორციელდა
თავდაცვის ძალების ეროვნული გვარდიის რეზერვში მე-20 ტერიტორიული თავდაცვის ბრიგადის 203-ე ბატალიონის მორიგი შევსება განხორციელდა.
რეზერვისტებმა პალდოში, ეროვნული გვარდიის რეზერვისტთა მომზადებისა და გადამზადების ცენტრის ბაზაზე, სამხედრო ფიცი საზეიმოდ დადეს.
პირად შემადგენლობას სამხედრო ფიცის მიღება ეროვნული გვარდიის უფროსმა, ბრიგადის გენერალმა რომან ჯოხაძემ მიულოცა და რეზერვისტებს, რომლებმაც რვადღიანი საწყისი საბრძოლო მომზადების დროს მაღალი დისციპლინა და საუკეთესო შედეგები გამოავლინეს, მადლობის სიგელები პირადად გადასცა.
