სამოქალაქო უსაფრთხოების კომპლექსური სამაშველო სწავლება „დურუჯი-2024“

ეროვნული გვარდიის მე-20 ტერიტორიული თავდაცვის ბრიგადის 201-ე ბატალიონის რეზერვისტებმა საგანგებო სიტუაციების მართვის სამსახურის მიერ ორგანიზებულ სამოქალაქო უსაფრთხოების კომპლექსურ სამაშველო სწავლებაში „დურუჯი-2024“ მიიღეს მონაწილეობა. სწავლება კახეთის რეგიონში, ქალაქ ყვარელში ჩატარდა.

სიმულაციური სწავლების ფარგლებში, ეროვნული გვარდიის რეზერვისტებმა, საგანგებო სიტუაციების მართვის სამსახურის წარმომადგენლებთან კოორდინაციაში, პრაქტიკული მხარდამჭერი სამაშველო ღონისძიებები განახორციელეს.

სწავლების მიზანს გადაუდებელი შემთხვევების დროს, ყვარელში არსებული განგაშის გამაფრთხილებელი სისტემის ტესტირება, საგანგებო სიტუაციებზე რეაგირებისა და კოორდინირებული მოქმედებების დახვეწა და ამ მიმართულებით მოსახლეობის ცნობიერების ამაღლება წარმოადგენდა.