უკრაინის უშიშროების სამსახურმა СБУ დაადგინა რა ტიპის რაკეტა გამოიყენა რუსეთმა ბავშვთა საავადმყოფოზე დასარტყმელად

უკრაინის უსაფრთხოების სამსახურმა СБУ დაადგინა, რომ რუსებმა ოჰმატდიტის ბავშვთა ეროვნული სპეციალიზებული საავადმყოფოს განადგურების მიზნით გამოიყენეს X-101 სტრატეგიული ფრთოსანი რაკეტა . ამის შესახებ RBC-უკრაინა SBU-ს პრესსამსახურზე დაყრდნობით ავრეცლებს ინფორმაციას.

ტრაგედიის ადგილზე უკვე ნაპოვნია შესაბამისი მტკიცებულებები: კერძოდ, X-101 რაკეტის უკანა ნაწილის კორპუსის ფრაგმენტები სერიული ნომრით და ამავე რაკეტის საჭის ნაწილი.

„უსაფრთხოების სამსახური ყველაფერს გააკეთებს იმისთვის, რომ მტერმა იგრძნოს მაქსიმალური ანგარიშსწორება უკრაინაზე დღევანდელი თავდასხმისთვის. აღნიშნა СБУ ხელმძღვანელმა ვასილი მალიუკმა.

ღამის 13:50 საათისთვის დაიღუპა საავადმყოფოს ორი თანამშრომელი და დაშავდა შვიდი ადამიანი, მათ შორის მინიმუმ ორი ბავშვი.

უშიშროების სამსახურის მიერ დაწყებულია გამოძიება უკრინის სისხლის სამართლის კოდექსის 438-ე მუხლით
(ომის კანონებისა და წეს-ჩვეულებების დარღვევა განზრახ მკვლელობით)

აღსანიშნავია, რომ X-101 რაკეტა არის მაღალი სიზუსტის იარაღი. მას აქვს წრიული სავარაუდო გადახრა 7 მეტრი 5500 კმ მანძილზე. Kh-101 რაკეტა არის სტრატეგიული დანიშნულების საჰაერო ბაზირების “ჰაერი-მიწა” კლასის ფრთოსანი რაკეტა, რომელიც იყენებს რადიოლოკაციური ხილვადობის შემცირების ტექნოლოგიას .