ჩინეთი რუსეთის სამხედრო კომპლექსისთვის სასიცოცხლოდ მნიშვნელოვანი აღჭურვილობის მთავარი მიმწოდებელია – FT
ჩინელი მწარმოებლები დომინირებენ რუსეთთან ისეთი დეტალებითა და აღჭურვილობით ვაჭრობაში, რომლებიც, სხვა საკითხებთან ერთად, რუსეთის სამხედრო-სამრეწველო კომპლექსის სასიცოცხლო საჭიროებას წარმოადგენს. ამის შესახებ Financial Times-ზე დაყრდნობით იუწყება უკრაინული საინტერნეტო გამოცემა „უკრაინსკა პრავდა“.
გამოცემა ყურადღებას ამახვილებს ორ ფაქტზე: აღჭურვილობის მიწოდების ზრდასა და ჩინური საქონლის წილზე რუსულ იმპორტში.
კერძოდ, უკრაინის ტერიტორიაზე რუსეთის სრულმასშტაბიანი შეჭრის დაწყებიდან ჩინეთმა 10-ჯერ გაზარდა რუსეთისთვის მაღალი სიზუსტის ჩარხების მიწოდება, რომლებიც შეიძლება გამოყენებულ იქნას სამხედრო მრეწველობაში.
რუსეთის საბაჟოს მონაცემების თანახმად, 2023 წლის ივლისში ჩინელმა მწარმოებლებმა რუსეთს 68 მილიონი დოლარის ღირებულების აღჭურვილობა მიაწოდეს. უკრაინაში შეჭრამდე, 2022 წლის თებერვლამდე, მარაგების მოცულობა მხოლოდ 6.5 მილიონი დოლარი იყო.
