ეროვნული გვარდიის 202-ე ტერიტორიული თავდაცვის ბატალიონის რეზერვისტებმა, საგანგებო სიტუაციებზე რეაგირების ერთკვირიანი მომზადების კურსი გაიარეს
ეროვნული გვარდიის მე-20 ტერიტორიული თავდაცვის ბრიგადის 202-ე ტერიტორიული თავდაცვის ბატალიონის რეზერვისტებმა, სასწავლო ცენტრ პალდოში, საგანგებო სიტუაციებზე რეაგირების ერთკვირიანი მომზადების კურსი გაიარეს.
სწავლებას შინაგან საქმეთა სამინისტროს საგანგებო სიტუაციების მართვის სამსახურისა და ეროვნული გვარდიის ინსტრუქტორები უძღვებოდნენ. კურსი მოიცავდა როგორც თეორიულ, ასევე პრაქტიკულ მიმართულებებს. საველე წვრთნების დროს რეზერვისტებმა ისეთი მხარდამჭერი აქტივობები შეასრულეს, როგორებიც არის ტყის ხანძრების ქრობა: მაგისტრალური ხაზების გაშლა, უსაფრთხოების ხიდის, წყლის ავზისა და მინერალური ზოლის მოწყობა.
რეზერვისტებმა ასევე განახორციელეს კულტურული მემკვიდრეობის მოძრავი ძეგლების ევაკუაცია და სამთო-სამაშველო მხარდამჭერი ღონისძიებები.
სწავლება მიზნად ისახავდა საგანგებო სიტუაციების შემთხვევაში, მხარდამჭერი დავალებების შესრულებისას, რეზერვისტების შესაბამისი უნარ-ჩვევების გამომუშავებასა და საგანგებო სიტუაციების მართვის სამსახურის წარმომადგენლებთან ერთობლივი, კოორდინირებული მოქმედებების დახვეწას.
