საფრანგეთმა უკრაინას დამატებითი LRU ტიპის ზალპური ცეცხლის რეაქტიული სისტემები გადასაცა.

საფრანგეთის თავდაცვის სამინისტრომ უკრაინას კოალიციის “არტილერია უკრაინისთვის” შემადგენლობაში გადასცა დამატებითი რაოდენობის LRU სარაკეტო დანადგარები.

ამის შესახებ საფრანგეთის თავდაცვის სამინისტროს ოფიციალური ვებგვერდი იტყობინება.

ამ კოალიციის ფარგლებში საფრანგეთმა უკრაინას გადასცა ორი დამატებითი LRU ტიპის ზალპური ცეცხლის რეაქტიული სისტემ ა, რითაც ფრანგული სისტემების საერთო რაოდენობა ექვსამდე გაიზარდა.

LRU არის ამერიკული M270 MLRS-ის ფრანგული ვერსია. ისინი აღჭურვილია განახლებული EFCS ცეცხლის მართვის  სისტემით, ახალი სანავიგაციო სისტემით (GPS-ის გამოყენებით) და ახალი საკომუნიკაციო სისტემით.

უკრაინის შეიარაღებულმა ძალებმა პირველი LRU მიიღეს 2022 წლის შემოდგომაზე, ოთხი ერთეულის ოდენობით. ამ სისტემის პირველი ფოტოები ჯარში 2022 წლის დეკემბერში გამოჩნდა.
ამერიკული ვარიანტის მსგავსად, LRU-ს შეუძლია გამოიყენოს GMLRS ოჯახის რაკეტები  რაც უზრუნველყოფს მიზანში მოხვედრას მაღალი სიზუსტით.