ქუვეითმა M-84AB ტიპის ტანკები ხორვატიაში გააგზავნა
ქუვეითმა M-84AB ტიპის ტანკები ხორვატიაში გააგზავნა ამის შესახებ ჯავშანტექნიკის მკვლევარი ანდრიი ტარასენკო იუწყება.
ტარასენკომ სლოვენიის ქალაქ ლუბლიანაში გადაღებული ფოტო გამოაქვეყნა, რომელზეც M-84 უდაბნოს შენიღბვაშია გამოსახული.
სერბული გამოცემის TV Front-ის ინფორმაციით, ტანკები ხორვატიული ჰოლდინგის Đuro Đaković-ის საწარმომდე მიდიან, შემდეგ კი, სავარაუდოდ, რემონტისა და მოდერნიზაციის შემდეგ, უკრაინაში გაემგზავრებიან. თუმცა, ხაზგასმით უნდა აღინიშნოს, რომ ამის შესახებ ოფიციალური ინფორმაცია არ ვრცელდება.
გამოცემაში აღნიშნულია, რომ ქუვეითის ხელისუფლებამ M-84AB ტანკების გადაცემის შესაძლებლობის განხილვა დაიწყო ქუვეითის ემირის, შეიხ ნავაფ ალ-აჰმედ ალ-ჯაბერ ალ-საბაჰის გარდაცვალების შემდეგ.
გარდა ამისა, TV Front არ გამორიცხავს, რომ უკრაინული არსენალი შეივსოს ხორვატიული M-84-ებით, რომლებსაც გერმანული წარმოების Leopard 2A4-ებით ჩაანაცვლებენ.
ქუვეითის არმიის ძირითდი საბრძოლო ტანკი M-84AB
M-84 ტანკი არის საბჭოთა T-72 ტანკის იუგოსლავიური ლიცენზირებული ვარიანტია, რომლის წარმოება დაიწყო 1980-იანი წლების შუა ხანებში.
M-84 გამოიყენებოდა იუგოსლავიის არმიაში და მისი დაშლის შემდეგ ტანკები შევიდა სერბეთის, სლოვენიის, ხორვატიის, მაკედონიისა და ბოსნია და ჰერცეგოვინის არსენალებში. საერთო ჯამში, ზოგიერთი შეფასებით, იუგოსლავიის ინდუსტრიამ აწარმოა დაახლოებით 700 ერთეული.
M-84AB არის M-84-ის სპეციალური ვერსია, რომელიც შეიქმნა ქუვეითის შეიარაღებული ძალებისთვის.
ქუვეითმა 1989 წელს შეუკვეთა 200 საბრძოლო მანქანა, კონტრაქტი ასევე მოიცავდა 15 სამეთაურო და 15 ჯავშანტექნიკის სარემონტო და ევაკუაციის მანქანას.
ერაყ-ქუვეითის ომის დაწყებამდე, 1990 წელს, დაახლოებით 15 საბრძოლო მანქანა გადაეცა, დანარჩენი გადაეცა საუდის არაბეთში დისლოცირებულ ქუვეითის არმიის ნარჩენებს.
2022 წლის მდგომარეობით ცნობილია, რომ ქუვეითს აქვს დაახლოებით 149 ტანკი, რომელთაგან ზოგიერთი საცავშია, ხოლო ქუვეითის ტანკეების „მუშა ცხენის“ როლი გადავიდა M1A2-ზე, რომელთაგან დაახლოებით 210 ექსპლუატაციაშია.
P.S სხვათ შორის ქუვეითის არმიას ერაყის მიერ 1990 წლის აგვისტოში ქუვეითის ოკუპაციის შემდეგ საუდის არაბეთში მიეწოდა იუგოსლავიური M-84AB ტიპის ტანკები რომლებიც ქუვეთის არმაიის დანაყოფებმა აქტიურად გამოიყენეს 1991 წლეს ოპერაცია უდაბნოს ქარიშხალში რომლიც ჩატარდა ქუვეითიდან ერაყის ჯარების განდევნის მიზნით.
