ჩეხეთმა უკრაინისათვის 180 ათასი საარტილერიო ჭურვი შეუკვეთა
უკრაინის საარტილერიო ჭურვების მიწოდების ჩეხეთის ინიციატივის ფარგლებში, უკვე გაფორმებულია კონტრაქტები პირველი 180 ათასი საბრძოლო მასალის შესყიდვაზე.
ამის შესახებ ჩეხეთის პრემიერ-მინისტრმა პეტრ ფიალამ Financial Times-ის სტატიაში განაცხადა.
მისი თქმით, ქვეყნის მთავრობა ასევე მუშაობს დამატებით 300 ათასი ჭურვის მოსაპოვებლად. უახლოეს თვეებში ფრონტზე საარტილერიო საბრძოლო მასალის ჩამოსვლა იგეგმება.
შეგახსენებთ, რომ 2024 წლის თებერვალში ჩეხეთის პრეზიდენტმა პეტრ პაველმა მიუნხენის უსაფრთხოების კონფერენციაზე განაცხადა, რომ მისმა ქვეყანამ იპოვა შესაძლებლობა უკრაინისთვის 800 ათასი საბრძოლო მასალის შეძენის შესაძლებლობა.
საუბარი იყო მესამე ქვეყნებში 155 მმ კალიბრის თითქმის 500 ათას ჭურვზე და 122 მმ კალიბრის 300 ათას ჭურვზე.
ეს რაოდენობა საკმარისი უნდა იყოს უკრაინული არტილერიის რამდენიმეთვიანი აქტიური საბრძოლო მუშაობისთვის.
შემდგომში, ჩეხეთის რესპუბლიკამ განაცხადა, რომ მათ იპოვეს დამატებით 200 ათასი საბრძოლო მასალა, მაგრამ არ ასახელებენ კალიბრს და სხვა დეტალებს. დღეისათვის ჩეხეთის ინიციატივას საარტილერიო ჭურვების შესაძენად შეუერთდა 20-მდე ქვეყანა, მათ შორის ბელგია, ნიდერლანდები, გერმანია, საფრანგეთი და ნორვეგია, ასევე კანადა, შვედეთი, პორტუგალია და ლიტვა, რომლებმაც გამოყო თანხები თავიანთი შენატანების ფარგლებში.
ევროპის ქვეყნები ასევე აფართოებენ საბრძოლო მასალის საკუთარ წარმოებას, რადგან მათ ესმით მათი უკრაინისთვის მიწოდებისა და შეიარაღებული ძალების არსენალის შევსების მნიშვნელობა.
