ჩეხეთი უკრაინის შეიარაღებულ ძალებს მოდერნიზირებულ T-72M4CZ ტანკებს გადასცემს
ჩეხეთის რესპუბლიკის გენერალური შტაბის უფროსმა კარელ რეჰკამ განაცხადა, რომ T-72M4CZ ტანკების რემონტის დასრულების შემდეგ, ისინი მთავრობის დამტკიცების შემთხვევაში, უკრაინის შეიარაღებულ ძალებს გადაეცემა.
T-72M4CZ მოდელი 1994-2000 წლებში ადგილობრივმა კომპანია VOP CZ-მა მოდერნი. დაგეგმილი იყო 140 ტანკის ამ დონემდე განახლება, მაგრამ პროგრამა საბოლოოდ შემცირდა 30 ძირითად საბრძოლო ტანკამდე (მათ შორის სამი სამეთაურო ტანკი) და სამი სარემონოტო საევაკუაციო ჯავშანმქანქანა БРЭМ .
ყველა ამ მანქანის უკრაინაში მიწოდება ამჟამად იგეგმება.
მათ ჩასანაცვლებლად პრაღამ სექტემბერში 1.6 მილიარდ დოლარად 44 ახლად აწყობილი გერმანული Leopard 2A8 ტანკი შეიძინა. ეს რაოდენობა საკმარისია სატანკო ბატალიონის აღჭურვისთვის, რომლის 30 ძირითად საბრძოლო ტანკამდე აღჭურვასაც უკრაინის შეიარაღებული ძალები ცდილობდნენ.
T-72M4CZ საბჭოთა წარმოების T-72M/M1 ის ერთ-ერთი ყველაზე მოწინავე მოდიფიკაციაა, რომელიც სპეციალურად ჩეხეთის არმიისთვის შეიქმნა, აღნიშნავს მწარმოებელი.
მოდერნიზცია მოიცავს ბრიტანული Perkins Condor CV12-1000 TCA დიზელის ძრავის დაყენებას, რომლის სიმძლავრე 1000 ცხენის ძალაა და Allison-ის ავტომატურ გადაცემათა კოლოფს უკავშირდება, რაც მნიშვნელოვნად ზრდის მანქანის მობილურობას. იტალიური კომპანია Officine Galileo-ს მიერ წარმოებული ცეცხლის მართვის სისტემა აღჭურვილია გაუმჯობესებული ბალისტიკური კომპიუტერით, ინფრაწითელი სამიზნეებით და ლაზერული მანძილმზომით.
ჯავშანდაცვა გაუმჯობესებულია კომპოზიტური ჯავშნისა და დინამიკური დაცვის ბლოკების დაყენებით, მათ შორის ჩეხეთში შემუშავებული DYNA სისტემით, ასევე ტანკსაწინააღმდეგო მართავდი სიტემებისგან თავდაცვის სისტემით.
ამ გაუმჯობესებების წყალობით, ადგილობრივი დამკვირვებლების აზრით, T-72M4CZ ზოგადად შედარებადია რუსულ T-72B3-თან ან თუნდაც T-90-თან.
მოსალოდნელია, რომ ცეცხლსასროლი ძალის, დაცვისა და მანევრირების კომბინაცია T-72M4CZ-ს უკრაინის შეიარაღებული ძალებისთვის ეფექტურ პლატფორმად აქცევს. მისი შედარებით მსუბუქი წონა ასევე გაამარტივებს მის მოქმედებას ოპერაციების თეატრებში, ნატოს უფრო მძიმე ტანკებთან შედარებით.
