პოლონეთს აშშ-დან GBU-39 საავიაციო ბომბების და “Patriot საზენიტო კომპლექსების რაკეტების შეძენა სურს
პოლონეთს შეერთებული შტატებიდან სურს შეიძინოს 1400 GBU-39 ზუსტი ბომბი და თითქმის 800 რაკეტა პატრიოტის საჰაერო თავდაცვის სისტემებისთვის.
ამის შესახებ ცნობილი გახდა აშშ-ს თავდაცვის დეპარტამენტის და პორტალ Defence24-იდან .
ამ ბომბებისა და რაკეტების შესყიდვა სავარაუდოთ 6 მილიარდ დოლარად არის შეფასებული.
21 მაისს აშშ-ს სახელმწიფო დეპარტამენტმა უკვე დაამტკიცა პოლონეთისთვის 1400 GBU-39/B მცირე დიამეტრის ბომბის (SDB) და შესაბამისი ლოგისტიკური და პროგრამის მხარდაჭერის ელემენტების შესაძლო მიყიდვა.
პოტენციურ გაყიდვაში ასევე შედის GBU-39 (T-1)/B ინერტული სასწავლო ბომბები დეტონატორებით, ბომბის მაკეტები, ტექნიკური დახმარება, ტრენინგი, პუბლიკაციები და სხვა დაკავშირებული ლოგისტიკური და პროგრამული უზრუნველყოფის ელემენტები.
პორტალი Defence24 ინფორმაციით პოლონეთის მოთხოვნა პატრიოტის საჰაერო თავდაცვის სისტემისთვის 788 ცალი PAC-2 Guidance Enhanced Missile-Tactical (GEM-T) რაკეტების შეძენის შესახებ ამჟამად განიხილება აშშ-ს კონგრესის მიერ.
დამტკიცების შემთხვევაში, ამ შეკვეთის ღირებულება შეიძლება იყოს მაქსიმუმ 5,8 მილიარდი დოლარი.
პოლონეთის მოთხოვნა, რომელიც აშშ-ს სენატს 15 მაისს წარედგინა, ეხება 2018 წლიდან საჰაერო თავდაცვის აღჭურვილობის შეძენას, კერძოდ, ორი MIM-104 Patriot საჰაერო თავდაცვის სისტემის ბატარეას 4,75 მილიარდ დოლარად. იმ დროს ვარშავამ არ შეუკვეთა PAC-2 GEM-T საზენიტო რაკეტები ამ სისტემებისთვის, რომელთა მოქმედების მანძილი 160 კმ-მდეა.
გასულ თვეში შეერთებულმა შტატებმა ასევე დაამტკიცა პოლონეთისთვის 400 ცალი “ჰაერი-ჰაერი” კლასის AIM-120D-3 AMRAAM საავიაციო მართავადი რაკეტის და მასთან დაკავშირებული აღჭურვილობისა და სერვისების შესაძლო მიყიდვა, რომლის სავარაუდო ღირებულება 1,33 მილიარდი დოლარია.
ჰაერი-ჰაერი” კლასის AIM-120D-3 AMRAAM რადილოკაციური მართავად საავიაციო რაკეტას 150 კილომეტრზე შორს შეუძლია საჰაერო სამიზნეების განაადგურება , იყენებენ F-16 და F-35 გამანადგურებელი თვითფრინავები ..
ამრიგად, პოლონეთი გახდება ამ მოდიფიკაციის ამერიკული საშუალო რადიუსის საჰაერო-ჰაერი რაკეტების ერთ-ერთი უცხოელი მომხმარებელი.
მოამზდა იოსებ ჭონქაძემ
