უკრაინა F-16-ებისთვის 20 მმ-იანი საბრძოლო მასალის მასშტაბური შესყიდვაზე მუშაობს

უკრაინა F-16 გამანადგურებლებისთვის ათიათასობით 20 მმ-იანი საბრძოლო მასალის მისაღებად მოლაპარაკებებს რამდენიმე ევროპულ ქვეყანასთან და მწარმოებელთან აწარმოებს.

ამის შესახებ Bloomberg-ი წყაროებზე დაყრდნობით იტყობინება.

უკრაინაში F-16 გამანადგურებლი თვითფრინავები რუსული დრონების გასანადგურებლად სულ უფრო ხშირად იყენებენ M61A1 Vulcan ქვემეხს.

AIM-120 და AIM-9 ჰაერი-ჰაერი ტიპის რაკეტების დეფიციტის გამო, უკრაინელი F-16-ის პილოტები სულ უფრო ხშირად ხსნიან ცეცხლს 20 მმ-იანი ქვემეხებით დრონებზე.

გამოცემის წყაროების ცნობით, ერთი ჩაჭრისთვის დაახლოებით 150 ჭურვია საჭირო, ანუ დღეში დაახლოებით 10 ათასი.

სექტემბრის ბოლოსთვის, F-16 გამანადგურებლების უკრაინელმა პილოტებმა უკვე ჩამოაგდეს 3150-ზე მეტი მტრის საჰაერო სამიზნე.

განადგურებულ სამიზნეებს შორის იყო 666 ფრთოსანი რაკეტა და სხვადასხვა ტიპის 2500 დრონი.

M61A1 Vulcan-ის ქვემეხი

M61A1 Vulcan არის ამერიკული ექვსლულიანი 20 მმ-იანი საავიაციო ქვემეხი მბრუნავი ლულის ბლოკით. ის იყენებს ელექტროძრავას ლულების დასატრიალებლად და უზრუნველყოფს სროლის ძალიან მაღალ სიჩქარეს.

ქვემეხი შეიმუშავა General Electric-მა სხვადასხვა თვითმფრინავზე გამოსაყენებლად, მათ შორის F-15 და F-16 გამანადგურებლებზე.

ის ძირითადად გამოიყენებოდა საჰაერო სამიზნეების წინააღმდეგ, ასევე მსუბუქად დაჯავშნული და სახმელეთო სამიზნეების გასანადგურებლად.