დუშეთში 1993 წლის 2 ივლისს ტამისში რუსულ საზღვაო დესანტთან ბრძოლაში დაღუპული დუშეთის ბატალიონის სამხედრო მოსამსახურეები გაიხსენეს
33 წელი გავიდა აფხაზეთში ოჩამჩირის რაიონის სოფელ ტამისში რუსული საზღავო დესანტის გადასხმიდან რომელმაც 1993 წლის 2 ივლისს მოულოდნელი თავდასხმით მუხანათურად გაანადგურა დუშეთის სწრაფი რეაგირების ბატალიონი, საზღვაო დესანტის ალყიდან გამოსვლა ბატალიონის მხოლოდ მცირე ნაწილმა შეძლო.
აღნიშნულ თარიღთან დაკავშირებით დუშეთში ტრადიციულად დუშეთის ბატალიონის დაღუპული სამხედრო მოსამსახურეების ხსოვნის უკვდავსაყოფი ღონისძიებები გაიმართა.
დუშეთის მუნიციპალიტეტის მერმა კახაბერ ჩიტაურმა, საკრებულოს თავმჯდომარე ნუკრი უნდილაშვილმა, მცხეთა-მთიანეთის მხარის დელეგატმა დიმიტრი ხუნდაძემ , სახელმწიფო რწმუნებულის მოადგილე გოჩა ქავთარაძემ, ვეტერანების საქმეთა სახელმწიფო სამსახურის მცხეთა-მთიანეთის სამმართველოს წარმოადგენელმა დუშეთში ბადირი პაპიაშვილმა, დუშეთის მუნიციპლიტეტის მერიის, საკრებულოს თანამშრომლებმა, აფხაზეთის ომის ვეტერანებმა მათმა ოჯახის წევრებმა გვიგვინით შეამკეს აფხაზეთის ომში დაღუპული დუშეთის ბატალიონის ხსოვნის უკვდავსაყოფი მემორიალი დუშეთის შემოსასვლელში ხოლო შემდეგ დამსწრე საზოგადოებასთან ერთად გაემართნენ დუშეთში, წმინდა ბარბარეს სახელობის ძმათა სასაფლაოზე სადაც ტამიშის ბრძოლაში დაღუპული დუშეთის სწრაფი რეაგირების ბატალიონის მებრძოლების სულის მოსახსენიებელ პანაშვიდს დაესწრნენ, რომელიც წილკნისა და დუშეთის მიტროპოლიტმა, მეუფე ზოსიმემ, სასულიერო პირებთან ერთად, დაღუპულთა სულების მოსახსენებელად გადაიხადა.
