21 წლის ამერიკელი ჯარისკაცის ჯიმი ნაკაიამას რეალური ისტორია. მხ/მ „ჩვენ ჯარიკაცები ვიყავით“
ყველას ემახსოვრება მხ/ფ „ჩვენ ჯარიკაცები ვიყავით“ დრამატული სცენა როცა პიკირებაზე გადასული ამერიკული F-100 “Super Sabre” ტიპის გამანადგურებელი თვითფრინავი დაბალი სიმაღლიდან შეცდომით ამერიკელი ჯარისკაცების პოზიციაზე ორ ნაპალმის საავიაციო ბომბს აგდებს, ნაპლმიანი ბომბების აფეთქების შედეგად ცეცხლის ალში ეხვევა ამერიკელების პოზიცია სადაც რამდენიმე ამერიკელი ჯარისკაცი ცოცხლად იწვის.
სამხედრო კორესპონდენტი ჯო გალოუეი დაჭრილი ჯარიკაცებისთვის დახმარების გაწევას ცდილობს რა დროს დაშავებულ ჯარისკაცში ის ახალ გაცნობილ ჯიმი ნაკაიამას ამოიცნობს …
ჯიმი ნაკაიამას პერსონაჟი და ფილმის ეს სცენა სულაც არ ყოფილა გამოგონილი ის რეალურად მომხდარა 1965 წლის 15 ნოემბერს იან დრაგის ხეობაში გამართულ შეტაკებაში როდესაც ამერიკულმა თვითფრინავებმა შეცდომით ამერიკელი ჯარიკაცების პოზიციები დაბომბეს.
ჯიმი ნაკაიამა დაიბადა რექსბურგში, მედისონის ოლქში, აიდაჰოში, ფრენკ და სატოკო ნაკაიამას მეორე ვაჟი. ოჯახში ხუთი ბიჭი და ერთი გოგო იყო. მისი ოჯახი მოგვიანებით რიგბიში გადავიდა საცხოვრებლად, სადაც ის საშუალო სკოლაში სწავლობდა. ის პოპულარული იყო და სპორტით იყო დაკავებული, განსაკუთრებით ბეისბოლით. მისი ბიძა, ასევე ჯიმი ნაკაიამა, მეორე მსოფლიო ომში მსახურობდა ცნობილ 442-ე პოლკის საბრძოლო ჯგუფში.
მას აიდაჰოს ეროვნულ გვარდიაში მეორე ლეიტენანტის წოდება ჰქონდა, მაგრამ სურდა ღირსეულად ემსახურა რიგითად, როგორც მისმა ბიძამ. ის აშშ-ის რეგულარულ არმიაში გადავიდა. ჯიმი ნაკაიამა ვიეტნამში გაგზავნეს და იბრძოდა შეერთებულ შტატებსა და ჩრდილოეთ ვიეტნამს შორის პირველ ბრძოლაში, რომელიც ცნობილია როგორც ია დრანგის ბრძოლა.
ჯიმი ნაკაიამა სასიკვდილოდ დაიჭრა ია დრანგის ხეობაში 1965 წლის 15 ნოემბერს, პირველი კავალერიის დივიზიის მე-8 საინჟინრო ბატალიონში ბრძოლისას მას შემდეგ, როცა ამერიკულმა F-100 Super Sabre გამანადგურებელმა მის პოზიციაზე ნაპალმის ბომბი შეცდომით ჩამოაგდო.
ნაპალმის ბომბის აფეთქების შედეგად მიღებული საშინელი დამწვრობის შემდეგ ჯიმი ნაკაიამი ევაკუირებული იქნა. ორი დღის შემდეგ, 1965 წლის 17 ნოემბერს, სამხედრო ჰოსპიტალში გარდაიცვალა თავისი 22-ე დაბადების დღემდე ორი დღით ადრე.
ის დაქორწინდა თავის საშუალო სკოლის შეყვარებულზე, ტრუდი ოლსენზე. 1965 წლის 7 ნოემბერს მას ახალი გაჩენილი ჰქონდა მათი პირველი შვილი, ქალიშვილი, რომელსაც ნიკი დაარქვეს. ჯიმიმ იცოდა, რომ გოგონა ეყოლებოდა, მაგრამ ის არასდროს შეხვედრია.
ია დრანგის ბრძოლა ორი ძირითადი შეტაკებისგან შედგებოდა, რომლებიც 1965 წლის 14-დან 17 ნოემბრამდე ია დრანგის ხეობაში გაიმართა. ეს იყო პირველი მნიშვნელოვანი შეტაკება შეერთებულ შტატებსა და ჩრდილოეთ ვიეტნამს შორის ვიეტნამის ომის დროს. ეს ორივე მხარისთვის ტაქტიკური მოდელი გახდა. ამერიკელებმა ბრძოლის ველზე მიზნების მისაღწევად საჰაერო მობილურობა, არტილერიის ცეცხლი და ახლო საჰაერო მხარდაჭერა გამოიყენეს. ჩრდილოეთ ვიეტნამის არმიამ გააცნობიერა, რომ ამ ცეცხლსასროლი ძალის განეიტრალება შეეძლო ამერიკელ ჯარებთან ძალიან ახლო მანძილზე სწრაფი შეტაკებით.
ია დრანგის ბრძოლამ საზოგადოების ყურადღება 2002 წელს მიიპყრო მელ გიბსონის ფილმის „ჩვენ ჯარისკაცები ვიყავით“ წყალობით.
მოამზადა ი.ჭონქაძემ
