Elbit Systems-მა 260 მილიონი დოლარის ღირებულების კონტრაქტი მიიღო ნატოს ევროპული წევრისთვის PULS-ის სარაკეტო და საარტილერიო სისტემების მიწოდებისთვის
ჰაიფა, ისრაელი, 2026 წლის 12 ნოემბერი /PRNewswire/ — Elbit Systems Ltd.-მა ( დღეს გამოაცხადა, რომ მოიპოვა დაახლოებით 260 მილიონი დოლარის ღირებულების კონტრაქტი, რომელიც ითვალისწინებს ევროპულ ნატოს წევრ ქვეყანაში „ზუსტი და უნივერსალური გაშვების სისტემის“ (PULS™ — Precise & Universal Launching System) და შესაბამისი საბრძოლო მასალების მიწოდებას. კონტრაქტის შესრულება 5 წლის განმავლობაში გაგრძელდება.
PULS-ის სისტემა წარმოადგენს ყოვლისმომცველ და ეკონომიურად ეფექტიან გადაწყვეტას, რომელიც განკუთვნილია სხვადასხვა მოქმედების რადიუსის მქონე უმართავი რაკეტების, მაღალი სიზუსტის საბრძოლო მასალებისა და რაკეტების გასაშვებად. გამშვები დანადგარი სრულად თავსებადია არსებულ ბორბლიან და მუხლუხოიან პლატფორმებთან, რაც მნიშვნელოვნად ამცირებს ტექნიკური მომსახურებისა და პერსონალის მომზადების ხარჯებს.
ბეზალელ (ბუცი) მახლისი, Elbit Systems-ის პრეზიდენტი და აღმასრულებელი დირექტორი, აღნიშნავს: „ევროპელი და ნატოს წევრი ქვეყნების მხრიდან PULS-ის სისტემის მუდმივი არჩევა მეტყველებს სისტემის ოპერაციულ სიმწიფეზე, მრავალფუნქციურობასა და თანამედროვე შეიარაღებული ძალების მუდმივად ცვალებად მოთხოვნებზე პასუხის გაცემის უნარზე. ეს კონტრაქტი ასევე ხაზს უსვამს Elbit Systems-ის გრძელვადიან პარტნიორობას ევროპელ მომხმარებლებთან და კომპანიის როლს რეგიონში თავდაცვის სისტემების მოდერნიზაციის მასშტაბური პროგრამების მხარდაჭერაში“.
Elbit Systems-ის შესახებ
Elbit Systems არის თავდაცვითი ტექნოლოგიების სფეროში მოღვაწე წამყვანი გლობალური კომპანია, რომელიც ქმნის მოწინავე გადაწყვეტილებებს უფრო უსაფრთხო სამყაროს უზრუნველსაყოფად. Elbit Systems ახორციელებს სხვადასხვა სფეროში (დომენში) გამოსაყენებელი, ახალი თაობის სისტემების შემუშავებას, წარმოებას, ინტეგრაციასა და ტექნიკურ მხარდაჭერას.
მოქნილი და თანამშრომლობაზე ორიენტირებული კულტურის, ასევე ისრაელის ტექნოლოგიური ეკოსისტემის უპირატესობების გამოყენებით, Elbit Systems მომხმარებლებს საშუალებას აძლევს, ეფექტიანად უპასუხონ ბრძოლის ველზე არსებულ სწრაფად ცვალებად გამოწვევებსა და საფრთხეებს.
Elbit Systems-ში დასაქმებულია 21 000-ზე მეტი ადამიანი მსოფლიოს ათეულობით ქვეყანაში, ხუთ კონტინენტზე. 2026 წლის 30 ივნისს დასრულებული სამი თვის განმავლობაში კომპანიის შემოსავალმა 2 287,1 მილიონი დოლარი შეადგინა, ხოლო ამავე თარიღისთვის შესასრულებელი შეკვეთების პორტფელის (order backlog) მოცულობა 32,0 მილიარდ დოლარს აღწევდა.
