დუშეთის მუნიციპალიტეტის საკრებულომ სოფელ ვარსიმაანში მდებარე ქუჩას აფხაზეთის ომში დაღუპული დავით ვარსიმაშვილის სახელი მიანიჭა

6683b025c5849

დუშეთის მუნიციპალიტეტის საკრებულომ 2024 წლის  22 ოქტომბერს გამართულ სხდომაზე მიიღო N70 განკარგულება – “დუშეთის მუნიციპალიტეტის ბაზალეთის ადმინისტრაციული ერთეულში სოფელ ვარსიმაანში მდებარე მეხუთე, მეორე ქუჩებისათვის და მეორე ქუჩის I ჩიხისათვის აფხაზეთის ომში დაღუპული დავით ვარსიმაშვილის სახელის მინიჭების შესახებ”.

აღნიშნული განკარგულების თანახმად, დუშეთის მუნიციპალიტეტის  ბაზალეთის ადმინისტრაციული ერთეულის სოფელ ვარსიმაანში მდებარე მეხუთე, მეორე ქუჩას და მეორე ქუჩის I ჩიხს მიენიჭა აფხაზეთის ოში დაღუპული დავით ვარსიმაშვილის სახელი.

სოფელ ვარსიმაანში მდებარე მეხუთე, და მეორე ქუჩებისთვის აფხაზეთის ომში დაღუპული დავით ვარსიმაშვილის სახელის მინიჭების შესახებ ინიცატივით დუშეთის მუნიციპალიტეტის საკრებულოს 2024 წლის 20 მაისს საკრებულოს  წევრმა ია ვარსიმაშვილმა მიმართა.

საკრებულოს წევრის ია ვარსიმაშვილის სახელდების თაობაზე ინიციატივამ დუშეთის მუნიციპალიტეტის საკრებულოში გეოგრაფიული ობიექტების სახელდების შესახებ” საქართველოს კანონის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის N239 დადგნილებით გათვალისწინებული პროცედურები გაიარა.

„სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“ საქართველოს კანონის მე-2 მუხლის „ვ“ პუნქტის თანახმად: სამშობლოს დაცვისას დაღუპულისა და ომის შემდეგ გარდაცვლილი მეომრის ხსოვნის უკვდავყოფის ერთ-ერთი ფორმაა სამშობლოს დაცვისას დაღუპულისა და ომის შემდეგ გარდაცვლილი მეომრის სახელისა და გვარის დარქმევა ქუჩისათვის, მოედნისათვის, დაწესებულებისათვის, სკოლისათვის, აგრეთვე – სამხედრო ნაწილისა და გემისათვის, რომლებმაც განსაკუთრებით გამოიჩინეს თავი საბრძოლო ოპერაციების ჩატარების დროს.

დავით ტარიელის-ძე ვარსიმაშვილი დაიბადა 1973 წლის 19 ივლისს ქ.რუსთავში.  დაამთავრა ქ.რუსთავის N13 საჯარო სკოლა.

1992 წლის მაისში  სამხედრო სავალდებულო სამსახურში გაწვეული იქნა  საქართველოს შინაგან საქმეთა სამინისტროს  შინაგან ჯარებში. 

დავით ვარსიმაშვილი ჩარიცხული იქნა შინაგანი ჯარების საპატრულო პოლკში   რომელიც აფხაზეთის ომის დაწყებისთანავე ჩაერთო საქართველოს ტერიტორიული მთლიანობის დაცვისთვის წარმოებულ ბრძოლებში.

დავით ვარსიმაშვილი თავის ქვედანაყოფთან ერთად  1993 წლის ზაფხულში გადასროლი იქა ოჩამჩირის რაიონში, კერძოდ შინაგანი ჯარების საპატრულო პოლკის ქვედანაყოფებს ოჩამჩირის რაიონის სოფელ კინდღში  8 საბრძოლო საგუშგო-პოზიცია ჰქონდათ დაკავებული. 

1993 წლის 2 ივლისს გამთენისას სოფელ კინდღში პოზიციებზე განლაგებულ შინაგანი ჯარების საპატრულო პოლკის დანაყოფებს ჩრდილოეთის მხრიდან ტყვარჩელის აფხაზური დაჯგუფების ნაწილები   მოულოდნელად თავს დაესხნენ და ინტენსიური ცეცხლი გაუხსნეს..

ჩრდილოეთის მხრიდან შეტევის პარალეულრად 1993 წლსი 2 ივლისს ოჩამჩირის რაიონის სოფელ ტამიშთან მოწინააღმდეგემ 500 კაციანი საზღავო დესანტი გადამოსხა.  დესანტის დანაყოფებმა  სოფელ ტამიშზე  და ლაბრაზე იერიშების მიტანის   შემდეგ სოფელ კინდღში გამაგრებულ შინაგანი ჯარის საპატრულო პოლკის  პოზიცებს შეუტიეს…

კინდღში განთავსებული შინაგანი ჯარის საპტრულო პოლკის საგუშოგები ჩრდილოეთის მხრიდან ტყვარჩლის აფხაზური დაჯგუფების ხოლო სამხრეთიდან ზღვიდან გადმოსხმული რუსული საზღვაო დესანტის შეტევების ქვეშ მოექცნენ…

1993 წლის 2 ივლისის უთანასწორო ბრძოლაში შინაგანი ჯარეების საპატრულო პოლკის 19 სამხედრო მოსამსახურე დაიღუპა. მათ შორის გმირულად დაიღუპა  ზემდეგი დავით ვარსიმაშვილი .