ცნობილი ქართველი ავიაკონსტრუქტორის, ალექსანდრე ქართველის (ქართველიშვილის), თხოვნა პირველი რესპუბლიკის მთავრობას საზღვარგარეთ სწავლაში დახმარების შესახებ.
ცნობილი ქართველი ავიაკონსტრუქტორის, ალექსანდრე ქართველის (ქართველიშვილის), თხოვნა პირველი რესპუბლიკის მთავრობას საზღვარგარეთ სწავლაში დახმარების შესახებ.
1919 წლის ივნისში ალექსანდრე ქართველიშვილი სახალხო განათლების მინისტრს წერს, 1914 წელს დაამთავრა თბილისის პირველი გიმნაზია, შემდეგ პეტერბურგის ტექნოლოგიურ ინსტიტუტში, მექანიკურ განყოფილებაში სწავლობდა, თუმცა ომის გამო (იგულისხმება პირველი მსოფლიო ომი) იძულებული გახდა, სწავლა შეეწყვიტა.
„მართალია, ფრანგული კარგად ვიცი, მაგრამ მაინც ღონისძიება არა მაქვს წავიდე საზღვარგარეთ და იქ განვაგრძო სწავლა. ამიტომ უმორჩილესად გთხოვთ, ბატონო მინისტრო, მოახდინოთ ჯეროვანი
განკარგულება, რათა ვიქმნე გაგზავნილი საზღვარ გარეთ სახელმწიფოს ხარჯზე სწავლის დასამთავრებლად. დარწმუნებული ვარ, შევძლებ სამაგიერო სარგებლობის მოტანას ჩემი სამშობლოსათვის“
როგორც ცნობილია, ალექსანდრე ქართველმა მიიღო მთავრობის დახმარება და სამწლიანი სწავლის შემდეგ 1922 წელს პარიზის ავიაციის უმაღლესი სკოლა დაამთავრა.
დოკუმენტი დაცულია საქართველოს ეროვნულ არქივში
