26 წლის ამირან ნარსავიძე გმირულად დაიღუპა 1993 წლის 23 სექტემბერს სოხუმის დაცვისას
ამირან ნარსავიძე დაიბადა 1967 წლის 4 იანვარს მესტიის რაიონის სოფელ ჭუბერში. სულ რაღაც სამი წლის იყო, როცა მამა გარდაეცვალა. 1984 წელს ამირანმა დაამთავრა ჭუბერის საშუალო სკოლა. სკოლაში გამოირჩეოდა როგორც წესიერი, მეგობრული, პასუხისმგებლიანი და სანიმუშო ბავშვი.
სკოლის დამთავრების შემდეგ, მან მოიხადა სამხედრო სავალდებულო სამსახურში ქ. სარატოვში. ჯარის მოხდის შემდეგ, იგი თავის სვანეთს დაუბრუნდა, თუმცა 1987 წელს სვანეთში მომხდარი სტიქიის გამო, როგორც ეკომიგრანტი ოჯახთან ერთად ჩაამოსახლებული იქნა ქ. დმანისში. 1988-90 წლებში მუშაობდა ქალაქ რიგაში.
აფხაზეთის ომის დაწყებისთანავე, იგი აქტიურად მონაწილეობდა საქართველოს ტერიტორიული მთლიანობისათვის მიმდინარე ყველა საბრძოლო მოქმედებაში, ქ. სოხუმში, გაგრაში, ოჩამჩირეში. თითქმის ყველა საომარ მოქმედებებში მონაწილეობდა, როგორც მოხალისე. თანამებრძოლები მას ახასიათებენ, როგორც ერთგულ, გაბედულ და უღალატო მებრძოლს.
1993 წლის 23 სექტემბერს ქალაქ სოხუმიდან ამირანი ნარსავიძე სოხუმის გარეუბანში წინ ხაზზე დაჭრილი ქართველი სამხედროების გამოსაყვანად მებრძოლების ჯგუფთან ერთად სატვირთო ავტომანქანით გაემართა . მანქანიდან გადმოსვლის შემდეგ ქართველი სამხედროები იწყებენ მოძრობას წინა ხაზზე პოზიციაზე შესასვლელად.
მებრძოლებს უშიშრად წინ მიუძღვის ამირან ნარსავიძე, ქუჩის გადაკვეთისას აფხაზი სეპარატისტების სნაპირემა შეამჩნია ქართველი სამხედროები და ინტენსიური ცეცხლი გაუხსნა, რამაც ქართველი მებრძოლების წინსვლა შეაფერხა.
ამირან ნარსავიძე მებრძოლების ჯგუფს გამოეყო გავიდა საცეცხლე პოზიციაზე და მოწინააღმდეგის სნაიპერის მიმართულებით РПГ-7 ტიპის ხელის ტანკსაწინააღმდეგო ყუმბარსატყორცნის გასროლას შეეცადა, თუმცა სეპარატისტების სნაიპერმა გასროლა დაასწრო და ამირანი სასიკვდილოდ დაჭრა.
Александра Демченко მიერ გადაღებული ვიდეო მასალიდან ამოჭრილი შენელებული კადრი სადაც ჩანს მოწინააღმდეგის მიერ გასროლილი ტყვიის მოხვედრა ამირანზე
მძიმედ დაჭრილი ამირან ნარსავიძე თანამებრძოლებმა გამოიყვანეს ცეცხლის ხაზიდან.
ამირანის ევაკუაციის შემდეგ ქართველი სამხედროები დაბრუნდნენ საბრძოლო ამოცანის შესასრულებალდ და მიუხედავად მოწინაღმდეგის მიერ გახსნილი ცეცხლისა სოხუმის გარეუბანში წინა ხაზზე დაჭრილი ქართველი მებრძოლების პოზიციაზე შეღწევა მაინც მოახერხეს.
ამირანი დაიღუპა აგუძერას საავადმყოფოში. საკუთარი სურვილის შესაბამისად, ის დაკრძალულია მესტიის რაიონის სოფ. ჭუბერში (სგურიში).გავრცელებული ინფორმაციით ამირანს ტყვია ღვიძლში ჰქონდა მოხვედრილი.
ამირანს ცოლ-შვილი არ ყოლია.
სიკვდილია შემდეგ, ამირან ნარსავიძე დაჯილდოებულია ვახტანგ გორგსალის მე-II ხარისხის ორდენით.
მოამზადა იოსებ ჭონქაძემ
