სირიის ხელისუფლება რამდენიმე ათას ტონა აკრძალულ ქიმიურ იარაღს მალავს,-ამის შესახებ The Telegraph-თან ინტერვიუში სირიის არმიის ყოფილმა გენერალმა ზაჰერ ას-საკატმა განაცხადა, რომელიც 2013 წელს ქვეყნიდან გაიქცა
სირიის ხელისუფლება რამდენიმე ათას ტონა აკრძალულ ქიმიურ იარაღს მალავს,-ამის შესახებ The Telegraph-თან ინტერვიუში სირიის არმიის ყოფილმა გენერალმა ზაჰერ ას-საკატმა განაცხადა, რომელიც 2013 წელს ქვეყნიდან გაიქცა
15.04.2017.
როგორც გამოცემა წერს, 2013 წლამდე საკატი სირიის არმიის მეხუთე დივიზიაში ქიმიური იარაღის სამმართველოს ხელმძღვანელობდა.
არმიიდან წასვლის შემდეგ, მან სირიის ხელისუფლების ოფიციალურ პირებთან კონტაქტი შეინარჩუნა.
“მათ (პრეზიდენტის ბაშარ ალ-ასადის ადმინისტრაციამ) აღიარეს, რომ მხოლოდ 1.3 ტონა ქიმიური იარაღი არსებობს, მაგრამ ვიცით, რომ სინამდვილეში ის თითქმის ორჯერ მეტია… მინიმუმ 2 ათასი ტონა იარაღი ჰქონდათ…”- განაცხადა სირიის არმიის ყოფილმა გენერალმა.
4 აპრილს ადამიანთა უფლებადაცვის აქტივისტებმა განაცხადეს, რომ სირიის პროვინცია იდლიბში ქიმიური იარაღი გამოიყენეს. მათი ინფორმაციით, თავდასხმის შედეგად მინიმუმ 58 ადამიანი დაიღუპა, მათ შორის 11 ბავშვი.
ადამიანთა უფლებადამცველების განცხადებით, თავდასხმა სირიის მთავრობის ან “რუსი მებრძოლების” მიერ განხორციელდა. მოგვიანებით, რუსეთის თავდაცვის სამინისტრომ განაცხადა, რომ რუსეთის საჰაერო ძალებმა ის ადგილი დაბომბეს, სადაც ტერორისტები იარაღს ინახავდნენ, მათ შორისაა სხვადასხვა წარმოების ბომბები და ტოქსიკური ნივთიერებები.
