აგვისტო 12, 2022

Gmas.ge

ქართული სამხედრო ანალიტიკური პორტალი

ქვეყნის დამოუკიდებლობის დღისადმი მიძღვნილი ღონისძიებები (ფოტო რეპორტაჟი)

 ქვეყნის დამოუკიდებლობის დღისადმი მიძღვნილი ღონისძიებები (ფოტო რეპორტაჟი)

26.05.2015

საქართველოს თავდაცვის უწყებამ ქვეყნის დამოუკიდებლობის დღისადმი მიძღვნილი ღონისძიებები სსიპ სახელმწიფო სამხედრო სამეცნიერო-ტექნიკურ ცენტრ „დელტას“ გამოფენით გახსნა. ვარდების მოედანზე გამოფენილი სამხედრო ტექნიკა საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ დაათვალიერა. მან საქართველოს შეიარაღებული ძალების წარმომადგენლებსა და მოსახლეობას საქართველოს დამოუკიდებლობის დღე მიულოცა.

„დელტამ“ პირველად გამოფინა სამხედრო დანიშნულების ტექნიკის15 ახალი სახეობა, მათ შორის ქართული მრავალფუნქციური უპილოტო ვერტმფრენი, წლეულს დამზადებული სამედიცინო-საევაკუაციო მანქანა, რომელსაც ორშრიანი ჯავშანდაცვა და ოთხი ერთეული საკაცე აქვს და ჯავშანტრანსპორტიორი „დიდგორი“, რომელიც უმართავი რაკეტების გამშვები მოდულით არის აღჭურვილი.დამთვალიერებლების დიდი ინტერესი გამოიწვია ადაპტირებულმა ჯავშანმანქანამ, რომელიც სპეციალურად უდაბნოს პირობებისთვის დამზადდა. სამხედრო სამეცნიერო-ტექნიკურმა ცენტრმა ნატო-ს სტანდარტით დამზადებული ჯავშანტექნიკა, ცეცხლსასროლი იარაღის რამდენიმე მოდიფიკაცია, 120 მილიმეტრიანი ნაღმმტყორცნი (თვითმავალი პლატფორმისთვის განკუთვნილი), დისტანციურად მართვადი საბრძოლო მოდულები, სეტყვის საწინააღმდეგო სისტემა, საინკასაციო მანქანა, შეჯავშნული სპეციალური ტექნიკა და სხვა თავდაცვითი საშუალებები წარადგინა.

გენერალ-მაიორმა ვახტანგ კაპანაძემ „დელტას“ მიერ წარმოებული პროდუქციის შესახებ ინფორმაცია უშუალოდ სამხედრო სამეცნიერო-ტექნიკური ცენტრის თანამშრომლებისგან მოისმინა.
„სასიხარულოა, რომ „დელტა“ დაუბრუნდა საქართველოს თავდაცვის სამინისტროს, ვინაიდან მთავარი დამკვეთი და მთავარი მომხმარებელი, რა თქმა უნდა, არის მაინც საქართველოს შეიარაღებული ძალები.

სასიხარულოა, რომ თავდაცვის სამინისტრო და „დელტა“ ერთობლივად აწარმოებს თავის შეიარაღების – არსებულის და დაგეგმილი წარმოების გამოფენას. აქ წარმოდგენილია ის პოტენციალი, რომელიც გააჩნია „დელტას“. არის ახალი, შეიძლება ითქვას, გონივრული და კარგად გააზრებული ჩანაფიქრები განხორციელებული თითოეულ მოდელში. იმედი გვაქვს, რომ საქარხნო შემოწმების და შემდეგ საჯარისო გამოცდების შემდეგ შეიარაღებულ ძალებს ექნება საშუალება მიიღონ საქართველოში წარმოებული სამხედრო პროდუქცია“ – განაცხადა შეიარაღებული ძალების გენერალური შტაბის უფროსმა.

11070979_991807570851985_7735584807011009325_n11041157_991807687518640_5654687478622451496_n11018111_991807784185297_7023658074127668267_n11010548_991807517518657_4052649160406876463_n11140347_991807714185304_679229388054472658_n11229299_991807764185299_2167381443143248062_n11257097_991807514185324_1431772404133106333_n11295565_991808067518602_5030626284940091358_n11350596_991807734185302_1975619748095597475_n

 

11252114_991807614185314_6543224978872109545_n

 

 

error: სტატიის დაკოპირება აკრძალულია!!!