აგვისტო 7, 2022

Gmas.ge

ქართული სამხედრო ანალიტიკური პორტალი

ამერიკელი კონგრესმენები ვაზიანში

ამერიკელი კონგრესმენები ვაზიანში

04.08.2017
20525820_1674673915898677_2084967650897595727_n
საქართველოში ვიზიტით მყოფმა ამერიკელმა კონგრესმენებმა ავღანეთის ისლამურ რესპუბლიკაში, „მტკიცე მხარდაჭერის“ მისიაში მონაწილე ქართველი სამხედრო მოსამსახურის, უმცროსი სერჟანტის, მდინარი ბებიაშვილის დაღუპვის გამო ღრმა მწუხარება გამოთქვეს და დაღუპულის ოჯახს მიუსამძიმრეს.
დღეს ვაზიანის სამხედრო აეროპორტში კონგრესმენები „ღირსეული პარტნიორი 2017“-ის ფარგლებში მიმდინარე საპარაშუტე ხტომებს დაესწრნენ. აშშ-ის არმიის ჯორჯიის შტატის ეროვნული გვარდიის საპარაშუეტე ასეულისა და საქართველოს შეიარაღებული ძალების 50 სამხედრო მოსამსახურემ C-130 Hercules-ის საჰაერო აპარატიდან დესანტის გადმოსხმის ოპერაცია განახორციელა. აშშ-ის კონგრესის შეიარაღებული ძალების კომიტეტის წევრები საპარაშუტე ხტომებში მონაწილეებს პირადად გაესაუბრნენ, მხარდაჭერა აღუთქვეს, ქართველ სამხედრო მოსამსახურეებს მშვიდობა და წარმატებები უსურვეს.
დღესვე, ამერიკელმა სტუმრებმა საქართველოს თავდაცვის მზადყოფნის პროგრამის (GDRP) ფარგლებში მშენებარე, საბრძოლო მომზადების ცენტრის მშენებლობის ადგილი მოინახულეს. საქართველოს შეიარაღებულკი ძალების გენერალური შტაბის უფროსის პირველმა მოადგილემ, პოლკოვნიკმა ნიკოლოზ ჯანჯღავამ მათ პროგრამის გეგმა გააცნო და მშენებლობის პროცესზე ინფორმაცია მიაწოდა.
აშშ-ის კონგრესის დელეგაციის წარმომადგენლები ვაზიანში, მეოთხე მექანიზებულ ბრიგადაშიც იმყოფებოდნენ, სადაც სამწყობრო მოედანზე გამოფენილი, სწავლებაში მონაწილე ტექნიკა და შეიარაღება დაათვალიერეს.
კონგრესმენი ჯო ვილსონი
ჩვენ ქართველი ხალხის მიმართ გულთბილი და მეგობრული დამოკიდებულება  და საქართველოსთან ძალიან კარგი ურთიერთობა გვაქვს.  ქართველი და ამერიკელი სამხედრო მოსამსახურეები ერთად ასრულებდნენ მისიას ავღანეთში, ერაყში. საქართველოს მშვიდობას ვუსურვებ. ჩემზე ძალიან იმოქმედა ავღანეთში  მამაცი  ქართველი  ჯარისკაცის დაღუპვამ, სამძიმარს ვუცხადებ დაღუპულის ოჯახს.  ძალიან სასიამოვნოა აქ ყოფნა, სწავლებაში  ქართველებისა და ამერიკელების ერთად ხილვა,  ისინი  ერთმანეთისგან ბევრ რამეს სწავლობენ, ერთმანეთის კულტურას იცნობენ და აფასებენ. ჩვენ მტკიცედ  ვუჭერთ მხარს  საქართველოს დამოუკიდებლობას. აშშ-სა და საქართველოს ბევრი რამე აკავშირებთ და ბევრი რაღაცის გამო ერთმანეთის მადლიერები არიან.
კონგრესმენი მადლენ  ბორდალო
დღეს უსაფრთხოება ძალიან მნიშვნელოვანია  თქვენი ქვეყნისთვის, ჩვენი ქვეყნისთვის და საერთოდ მსოფლიოსთვის. ძალიან შთამბეჭდავი იყო ის ოპერაცია, რაც დღეს ქართველმა და ამერიკელმა სამხედრო მომსახურეებმა გვაჩვენეს.   საქართველო არაჩვეულებრივი ქვეყანაა, აქ შესანიშნავი ხალხი ცხოვრობს. მე თითოეულ მათგანს ბედნიერებას  ვუსურვებ. ჩვენ ვიმყოფებით მათ მხარდასაჭერად, დასახმარებლად, გვსურს  სამხედრო მოსამსახურეებს  გავესაუბროთ, მათი საჭიროებები მოვისმინოთ და შეძლებისდაგვარად დავეხმაროთ.
აშშ-ის არმიის ჯორჯიის შტატის ეროვნული გვარდიის უფროსის მოადგილე, ბრიგადის გენერალი ტომას ბლექსტოკი 
მე აშშ-ის არმიის ჯორჯიის შტატის ეროვნულ გვარდიას წარმოვადგენ.  დღეს მქონდა უნიკალური შესაძლებლობა, დავსწრებოდი  სწავლებას, რომელშიც ჩემი   და ქართველი სამხედრო მოსამსახურეები მონაწილეობენ. ჩვენ  გვაქვს საშუალება, გავწვრთნათ ქართველი სამხედრო მოსამსახურეები.  ჩვენ საქართველოს შეიარაღებულ ძალებთან ხანგრძლივი ურთიერთობა გვაკავშირებს
error: სტატიის დაკოპირება აკრძალულია!!!