ნოემბერი 29, 2022

Gmas.ge

ქართული სამხედრო ანალიტიკური პორტალი

თავდასხმის შედეგად დაღუპული მშვიდობისმყოფელი ავღანეთიდან პატივით გამოაცილეს.ფოტო (ვიდეო)

თავდასხმის შედეგად დაღუპული მშვიდობისმყოფელი ავღანეთიდან პატივით გამოაცილეს.ფოტო(ვიდეო)

06.08.2017

20638169_1676639025702166_4259809482705847552_n

3 აგვისტოს ბაგრამის საავიაციო ბაზის მიმდებარე ტერიტორიაზე განხორციელებული თავდასხმის შედეგად დაღუპულ ქართველ მშვიდობისმყოფელს სამშობლოში გადმოსვენებამდე პატივი ავღანეთში მიაგეს. II ქვეითი ბრიგადის 23-ე ბატალიონის უმცროსი სერჟანტის მდინარი ბებიაშვილის სულის მოსახსენიებელი პანაშიდი კაპელანმა, მამა ზაზა სოსიაშვილმა ბაგრამის საავიაციო ბაზაზე, წმინდა გიორგის სახელობის სამლოცველოში გადაიხადა.

სამლოცველოდან დაღუპული ქართველი სამხედროს ცხედარი ბაგრამის აეროპორტში გადაასვენეს. თვითმფრინავში პატივით დასვენებამდე, აეროპორტში სამგლოვიარო ცერემონიალი გაიმართა, რომელსაც ავღანეთში საქართველოს შეიარაღებული ძალების უფროსი სამხედრო წარმომადგენელი, პოლკოვნიკი იოსებ ნიკოლეიშვილი, „მტკიცე მხარდაჭერის“ მისიის მეთაური, ოთხვარსკვლავიანი გენერალი ჯონ ნიკოლსონი, ბაგრამის საავიაციო ბაზის მეთაური, ორვარსკვლავიანი გენერალი ჯონ ტომსონი და კოალიციური ძალების წარმომადგენლები ქართველ სამხედრო მოსამსახურეებთან ერთად დაესწრნენ.
საქართველოს შეიარაღებული ძალების სახმელეთო ჯარების დასავლეთ სარდლობის II ქვეითი ბრიგადის 23-ე ბატალიონის სამხედრო მოსამსახურე, უმცროსი სერჟანტი მდინარი ბებიაშვილი „მტკიცე მხარდაჭერის“ მისიას ბაგრამის საავიაციო ბაზაზე აპრილიდან ასრულებდა. ის 3 აგვისტოს, ბაგრამის საავიაციო ბაზის მიმდებარე ტერიტორიაზე ერთობლივი მოტორიზებული პატრულირებისას თავდასხმის შედეგად დაიღუპა.

უმცროსი სერჟანტი მდინარი საბას ძე ბებიაშვილი (დაბ. 23.10.1991) საქართველოს შეიარაღებულ ძალებში 2010 წლიდან ირიცხებოდა. იგი სახმელეთო ჯარების დასავლეთ სარდლობის II ქვეითი ბრიგადის 23-ე ქვეითი ბატალიონში ათეულის მეთაური იყო. სკოლის დასრულების შემდეგ (2010 წელს) საკუთარი სურვილით საქართველოს შეიარაღებულ ძალებში კონტრაქტის საფუძველზე ჩაირიცხა.

უმცროსი სერჟანტი ბებიაშვილი ავღანეთში უსაფრთხოების ხელშეწყობის საერთაშორისო ძალების (ISAF) მისიაში ორჯერ – 2012 და 2014 წლებში მონაწილეობდა. მიღებული აქვს მედლები „სამშვიდობო ოპერაციებში მონაწილეობისთვის“. ამჯერად, კი, უკვე მესამედ ის ავღანეთში ნატოს ეგიდით მიმდინარე „მტკიცე მხარდაჭერის“ მისიას ბაგრამის საავიაციო ბაზაზე ასრულებდა. მან გიორგი ანწუხელიძის სახელობის სერჟანტთა მომზადების ცენტრში ათეულის მეთაურის კურსი გაიარა. მონაწილეობდა უკრაინაში გამართულ საერთაშორისო სწავლებაში “Rapid Trident 2013”

ოთხვარსკვლავიანი გენერალი ჯონ ნიკოლსონი – „მტკიცემხარდაჭერის“ მისიისმ ეთაური:

„მინდა, ღრმა მწუხარება გამოვხატო საქართველოსა და დაღუპული სამხედროს ოჯახის მიმართ.  ამ უდიდესი დანაკარგს ვუსამძიმრებ ქართველ ერს, მისი ოჯახის წევრებსა და ნათესავებს. კიდევ ერთხელ მოვიხრი ქედს ყველა ქართველი სამხედროს მიმართ, რომელიც ავღანეთში დაიღუპა. მიიღეთ გულითადი სამძიმარი მთელი ამერიკის შეერთებული შტატებისგან. მადლობა სამსახურისთვის“.

ორვარსკვლავიანიგენერალიჯონტომსონიბაგრამისსაავიაციობაზისმეთაური:

„ავღანეთში ამერიკის შეერთებული შტატების სამხედრო ძალების სახელით, ვუსამძიმრებ საქართველოს უმცროსი სერჟანტ ბებიაშვილის დაღუპვის გამო. ის ნამდვილი გმირია. მუდამ გვემახსოვრება მისი სახელი და პატივს მივაგებთ მის ხსოვნას. ღმერთმა დაიფაროს საქართველო და საქართველოს შეიარაღებული ძალები“.

ელჩი კორნელიუს ზიმერმანი – ნატოს უმაღლესი სამოქალაქო წარმომადგენლობა ავღანეთში:

„ნატოს გენერალური მდივნის, მთლიანად ალიანსის, მისი წევრი და პარტნიორი ქვეყნების სახელით, მსურს მწუხარება გამოვხატო და თანაგრძნობა გამოვთქვა ქართველი სამხედროს დაღუპვის გამო. საქართველო ნატოს ძალიან სანდო პარტნიორია. ჩვენ თქვენს გვერდით ვართ. სამძიმარს გამოვთქვამ დაღუპული სამხედროს ოჯახის მიმართ. დაე, მშვიდად განისვენოს სასუფეველში. ჩვენ გავაგრძელებთ ერთობლივ მისიას, სანამ ავღანეთში მშვიდობა და სტაბილურობა არ დამყარდება“.

20604331_1676638902368845_6626827760769441639_n20604150_1676639102368825_893445424040906461_n (1)20604401_1676639099035492_6546173827276511920_n (1)20637990_1676639215702147_5002496788205593415_n20597416_1676639379035464_8384059783177920908_n20621775_1676639395702129_5085559248632654911_n20664432_1676593615706707_3235076124922568650_n20638500_1676638842368851_6005172235421233952_n20621969_1676593622373373_7741057307648588396_n20622006_1676593619040040_6843523668880291802_n

error: სტატიის დაკოპირება აკრძალულია!!!