თავდაცვის მინისტრმა დაღუპული მებრძოლების ხსოვნას პატივი მიაგო
თავდაცვის მინისტრმა დაღუპული მებრძოლების ხსოვნას პატივი მიაგო
17.04.2017.
ლევან იზორიამ გენერალური შტაბის უფროსთან, ბრიგადის გენერალ ვლადიმერ ჩაჩიბაიასთან ერთად, 2008 წლის აგვისტოს ომში დაღუპული გმირი ჯარისკაცები გაიხსენა და მათ ხსოვნას პატივი მიაგო.
მუხათგვერდის სამხედრო სასაფლაოზე ლევან იზორია დაღუპული სამხედრო მოსამსახურეების ოჯახის წევრებს გაესაუბრა, მხარდაჭერა აღუთქვა და აღდგომის ბრწყინვალე დღესასწაული მიულოცა.
მუხათგვერდიდან თავდაცვის მინისტრმა და გენერალური შტაბის უფროსმა ვაშლიჯვარში მდებარე ძმათა სასაფლაოზე, „გმირთა სავანეში“ გადაინაცვლეს, სადაც აფხაზეთის ომში დაღუპული მებრძოლები არიან დაკრძალულები.
მუხათგვერდსა და ვაშლიჯვარში, გენერალური შტაბის უფროსის მოადგილეები და საქართველოს შეიარაღებული ძალების სხვა ხელმძღვანელი პირებიც იმყოფებოდნენ.
