ნოემბერი 29, 2022

Gmas.ge

ქართული სამხედრო ანალიტიკური პორტალი

ნატოს გენერალური მდივნის თანაშემწე თავდაცვის სამინისტროში

ნატოს გენერალური მდივნის თანაშემწე თავდაცვის სამინისტროში

11.04.2017.

17862318_1544521802247223_8135892100875640948_n

თავდაცვის სამინისტროს ინფორმაციით,საქართველოს თავდაცვის მინისტრმა უწყებაში სახალხო დიპლომატიის საკითხებში ნატოს გენერალური მდივნის თანაშემწე მიიღო. ლევან იზორიამ გენერალური მდივნის თანაშემწეს ელჩ თაჩან ილდემს საქართველოს სუვერენიტეტის მხარდაჭერისთვის და ოკუპირებული ტერიტორიების არაღიარებისთვის მადლობა გადაუხადა.

თავდაცვის სამინისტროში გამართული შეხვედრის მთავარ საკითხს საქართველოს ალიანსში გაწევრიანების გზაზე სახალხო დიპლომატიისა და სტრატეგიული კომუნიკაციის მნიშვნელობა წარმოადგენდა. საქართველოს თავდაცვის მინისტრის თქმით, ალიანსთან ურთიერთობის ერთ-ერთი მნიშვნელოვანი თემა სტრატეგიული კომუნიკაციების სფეროა და ამ მიმართულებით ალიანსთან ერთად კონკრეთული გეგმები დაისახა.

სახალხო დიპლომატიის საკითხებში ნატოს გენერალური მდივნის თანაშემწე თაჩან ილდემი საქართველოში ნატოს კვირეულის ფარგლებში იმყოფება. მან მონაწილეობა მიიღო ნატო-საქართველოს სახალხო დიპლომატიის ფორუმში. მის მუშაობაში აღმასრულებელ და საკანონმდებლო ხელისუფლებასთან ერთად, სამოქალაქო საზოგადოების და მედიის წარმომადგენლებიც აქტიურად არიან ჩართულნი. კონფერენციაში ასევე მონაწილეობენ ნატოს შტაბ-ბინის წარმომადგენლები, სახალხო დიპლომატიისა და კომუნიკაციების საკითხებზე მომუშავე მოწვეული ექსპერტები და მკვლევარები

სახალხო დიპლომატიის საკითხებში ნატო-ს გენერალური მდივნის თანაშემწე თაჩან ილდემი:

სახალხო დიპლომატიის ფორუმის ფარგლებში მინისტრებთან ინდივიდუალურ შეხვედრებს ვმართავ. დღეს საქართველოს თავდაცვის მინისტრთან ნატო-საქართველოს პარტნიორობის საკითხი განვიხილეთ. არსებული თანამშრომლობით კმაყოფილები ვართ. „ნატო-საქართველოს არსებითი პაკეტი“, ნატო-საქართველოს კომისია და ყოველწლიური ეროვნული პროგრამა – თანამშრომლობის ის ფორმატებია, რომელიც ჩვენ პარტნიორობას მყარ საფუძველს უქმნიან. გვაქვს ძალიან პოზიტიური პოლიტიკური დიალოგი და გაძლიერებული პრაქტიკული თანამშრომლობა საკმაოდ რთულ უსაფრთხოების გარემოში. ძალიან ნაყოფიერი შეხვედრა გვქონდა, სადაც გავცვალეთ ჩვენს ხელთ არსებული ინფორმაცია.“

 

error: სტატიის დაკოპირება აკრძალულია!!!