სამხრეთ ოსეთი არ არსებობდა და არ არსებობს! ამას რუსეთის იმპერიის ენციკლოპედიაც მოწმობს”
სამხრეთ ოსეთი არ არსებობდა და არ არსებობს! ამას რუსეთის იმპერიის ენციკლოპედიაც მოწმობს”
29.10.2017
ა(ა)იპ „ჩვენი საქართველო“-ს ლიდერი
პოლიციისა და იუსტიციის ვიცე-პოლკოვნიკი მიხეილ მუმლაძე.
ვინ არიან და სად ცხოვრობენ ოსები?
მე ხელთ მაქვს 1904 წელს მოსკოვში გამოცემული „რუსული ენციკლოპედია“ რომელშიც ძალზე საინტერესო მასალები წერია ოსებზე, ისეთზე რომლებიც შეიძლება თავისუფლად გადაეგზავნოს მსოფლიოს საერთაშორისო ორგანიზაციებს, ნატოს, ევროკავშირს, რუსეთს.
„რუსული ენციკლოპედიის“ 1590-ე გვერდზე ასეთი რამ წერია: „ოსები ერთ-ერთი კავკასიური ხალხია, რომელიც კავკასიონის ქედის შუა წელის კალთებსა და მდინარე თერგის დინების შუაწელზე, მოზდოკთან ახლოს ცხოვრობენ, მათი რაოდენობა 170 000 კაცია, მიჩნეულნი არიან სარმატების შთამომავლებად, ინდოევროპული რასის წარმომადგენლები არიან, უმრავლესობა ქრისტიანია, ხოლო ნაწილი მაჰმადიანია; არიან მიწათმოქმედები“.
სადმე წერია აქ კავკასიონის სამხრეთი ნაწილი? სამხრეთელი ოსი? მოზდოკი თუ დაწერეს მდინარე თერგის შუაგული თუ დაწერეს ცხინვალს და მდინარე ლიახვს ვერ დაწერდნენ?
ჩრდილო კავკასიიდან გადმოსული რამდენიმე ასეული სხვადასხვა ეროვნების ადამიანი საქართველოს სხვადასხვა კუთხეში წინა საუკუნეებშიც ცხოვრობდნენ და ახლაც ცხოვრობენ და მათი რესპუბლიკებიც უნდა დაარსდეს?
ალბათ მალე დადგება დრო, როდესაც აღდგება სამაჩაბლო საქართველოს ერთ-ერთი კუთხე, სადაც გვერდი-გვერდ ბედნიერად იცხოვრებენ ქართველები და ოსები, ისე როგორც ცხოვრობდნენ საუკუნეების მანძილზე და ნამდვილ ოსეთს დაუბრუნდება თავისი სახელი ოსეთი ან ალანია და არა ჩრდილო ოსეთი, რადგან სამხრეთ ოსეთი არ არსებობდა და არ არსებობს, რასაც გვაუწყებს 1904 წელს გამოცემული რუსეთის იმპერიის ენციკლოპედია „რუსული ენციკლოპედია“.
