დეკემბერი 6, 2022

Gmas.ge

ქართული სამხედრო ანალიტიკური პორტალი

საქართველოს შეიარაღებული ძალები სამშვიდობო მისიებში 1999 წლიდან დღემდე

საქართველოს შეიარაღებული ძალები სამშვიდობო მისიებში 1999 წლიდან დღემდე

02.09.2017

map-new

საქართველო პირველად საერთაშორისო სამშვიდობო მისიებში 1999 წლის 31 აგვისტოს ჩაერთო. იხილეთ მოკლე ინფორმაცია ჩვენი სამშვიდობო ოპერაციებში მონაწილეობის შესახებ:

🇽🇰1999 წლიდან კოსოვოს სამშვიდობო ოპერაციაში პირველი ქართული სამშვიდობო ოცეული (34 სამხედრო მოსამსახურე) იღებდა მონაწილობას ქ. მამუშაში განლაგებული თურქული ბატალიონის შემადგენლობაში. 2003 წლიდან კი ერთი ქართული ასეული (150 სამხედრო მოსამსახურე) ქ. პრიზრენში, გერმანული ბრიგადის შემადგენლობაში ასრულებდა მისიას. 2008 წლის მარტში ქართულმა სამშვიდობო კონტიგენტმა მთლიანად დატოვა ბალკანეთი

🇦🇫ავღანეთში, საერთაშორისო მისიაში მონაწილეობის მისაღებად პირველად ქართული კონტინგენტი 2004 წელს აგვისტოს თვეს გაემგზავრა და მისია დღემდე გრძელდება. საერთაშორისო უსაფრთხოების მხარდამჭერი ძალების (ISAF) სამშვიდობო ოპერაციაში მონაწილეობის მისაღებად გაძლიერებული ქვეითთა ოცეული (50 სამხედრო მოსამსახურე) 2004 წელს აგვისტოში გაიგზავნა. ოცეული მისიას გერმანული კონტიგენტის შემადგენლობაში ასრულებდა. მათი ამოცანა ავღანეთში საპრეზიდენტო არჩევნების უსაფრთხოების უზრუნველყოფა იყო.
2010 წლის აპრილიდან, ავღანეთის სამხრეთით მდებარე ჰელმანდის პროვინციაში, საქართველოს შეიარაღებული ძალების მე-3 ქვეითი ბრიგადის 31-ე მსუბუქი ქვეითი ბატალიონი გაიგზავნა, რომელიც აშშ-ის სამხედრო ძალების მხარდაჭერით, სრული სპექტრის ოპერაციებს ახორციელებდა. 2010 წლის ოქტომბრის თვის განმავლობაში. როტაციის წესით განხორციელდა ბატალიონის ჩანაცვლება. მე-3 ქვეითი ბრიგადის 32-ე ბატალიონი შეუდგა მისის შესრულებას. 2010 წლის აპრილიდან 2012 წლის ოქტობრამდე, საქართველოს შეიარაღებული ძალები მხოლოდ ერთი ბატალიონით მონაწილეობდა სამშვიდობო მისიაში, ჰელმანდის პროვინციაში.

2012 წლის ოქტომბერში, ავღანეთში, დამატებით კიდევ ერთი ბატალიონი გაიგზავნა. შესაბამისად, ქართველი სამხედრო მოსამსახურეების რაოდენობამ 1600-ს მიაღწია. მე-2 ქვეითი ბრიგადის 23-ე ბატალიონი I ქვეითი ბრიგადის მე-12 ბატალიონმა ჩაანაცვლა. მე-12 ბატალიონთან ერთად კი ავღანეთში მისიის შესასრულებლად უკვე მეორედ III ქვეითი ბრიგადის 32-ე ბატალიონიც გაემგზავრა.

🇮🇶 ერაყში, ქ. ტიკრიტში, პირველად სამშვიდობო მისიის შესასრულებლად სამედიცინო ჯგუფი (70 სამხედრო სამედიცინო პერსონალი) და საინჟინრო ოცეული 2003 წელს გაემგზავრნენ. კოალიციური ჯარების შემადგენლობაში 2004 წელს მისიაში მონაწილე სამხედრო მოსამსახურეთა რაოდენობა 300 კაცამდე გაიზარდა, ხოლო 2005 წლიდან კი სამშვიდობო მისიის შესრულება 850 ჯარისკაცმა განაგრძო. 2008 წლის იანვარში III ქვეითი ბრიგადა I-მა ქვეითმა ბრიგადამ ჩაანაცვლა. ბრიგადის პირადი შემადგენლობა სამშვიდობო მისიის შესასრულებლად დისლოცირებული იყო ბაზა “დელტაზე” (ვასიტის პროვინცია) 1500 ჯარისკაცით, ბაზა “ქლეარზე” – 350 და ქ. ბაღდადში – 150 სამხედრო მოსამსახურით. I ქვეითი ბრიგადის ჯარისკაცები სამშობლოში 2008 წლის აგვისტოში დაბრუნდნენ.

🇨🇫საქართველოს მონაწილეობს ცენტრალური აფრიკის რესპუბლიკაში მიმდინარე ევროკავშირის სამხედრო ოპერაციაში (EUFOR RCA). 2014 წლის დეკემბერში, ადლიის ცალკეული ბატალიონის გაძიერებული ასეული მე-2 ქვეითი ბრიგადის 23-ე ბატალიონის ნაკრებმა ასეულმა როტაციის წესით ჩაანაცვლა. ქართულ კონტინგენტს ქ. ბანგის ორი სექტორის პატრულირება დაევალა. მისია 2015 წლის 3 მარტს დასრულდა. 2015 წლის ოქტომბერს, მისიაში ჩაერთო მე-2 ქვეითი ბრიგადის 23-ე ბატალიონის ნაკრები ასეულის 5 ს/მ ჯგუფი, რომლის ამოცანაა პიროვნების გაცილება და VIP -პირების დაცვა. ნაკრები ასეულის 5 ს/მ ჯგუფი, როტაციის წესით ჩაანაცვლა მე-2 ქვეითი ბრიგადის 23-ე ბატალიონის ნაკრები ასეულის და საჩხერის სამთო მომზადების სკოლის ნაკრებმა 5 ს/მ ჯგუფმა. 2017 წლის 31 იანვრიდან მისიაში გაიგზავნა მე-2 ქვეითი ბრიგადის 23-ე ბატალიონისა და საჩხერის სამთო მომზადების სკოლის ნაკრები ოცეული.

წყარო:mod.gov.ge

error: სტატიის დაკოპირება აკრძალულია!!!