სამაჩაბლოში 1992 წლის 14 ივლისს რუსეთის ჯარების შემოსვლის დოკუმენტური ვიდეო.
1992 წლის 14 ივლის სამაჩაბლოში რუსეთის ჯარების შემოსვლის დოკუმენტური ვიდეო.
1992 წლის 14 ივლისს, ცხინვალის რეგიონში ე.წ. რუსი სამშვიდობოები ჩადგნენ.
14.12.2017
რუსეთის საჰაერო სადესანტო ჯარების მედესანტეები BMD-1 ტიპის მედესანტთა საბრძოლო მანქანით რუსეთიდან სამაჩაბლოში შემოვიდნენ.
1992 წლის 14 ივლისს, “დაგომისის შეთანხმების” საფუძველზე ცხინვალის რეგიონში რუსი “სამშვიდობოები” ჩადგნენ. ოსი სეპარატისტები ამ დღეს “სამშვიდობოების დღეს” უწოდებენ და საზეიმოდ აღნიშნავენ.
1992 წლის 24 ივნისს ედუარდ შევარდნაძისა და ბორის ელცინის მიერ სოჭში, დაგომისში, ხელი მოეწერა შეთანხმებას რომლის ოფიციალური სახელწოდებაა – “სოჭის შეთანხმება ქართულ-ოსური კონფლიქტის დარეგულირების პრინციპების შესახებ”. ამ შეთანხმებას ხშირად “დაგომისის ხელშეკრულებასაც” უწოდებენ.
1992 წლის 14 ივლისს დაგომისის ხელშეკრულების საფუძველზე, ქართულ-ოსური კონფლიქტის ზონაში რუსეთს ე.წ. სამშვიდობო ძალები შევიდნენ, რომელთა ოფიციალური სახელწოდება იყო – “მშვიდობის უზრუნველყოფის შერეული სამშვიდობო ძალები”. აღნიშნული სამხედრო ძალა სამი ბატალიონისგან შედგებოდა – რუსული, ქართული და ჩრდილო ოსური.
დაგომისის ხელშეკრულება ასევე ითვალისწინებდა ქართულ-ოსური კონფლიქტის მოგვარების შერეული საკონტროლო კომისიის შექმნას – მასში ცალ-ცალკე მხარეებად შედიოდნენ – რუსეთი, ე.წ. სამხრეთ ოსეთი, ჩრდილოეთ ოსეთი და საქართველო. ამავე ხელშეკრულების საფუძველზე, ცხინვალში ეუთოს სადამკვირვებლო მისია განთავსდა.
1992 წლის 14 ივლისი რუსი მედესანტეების 120 მმ კალიბრიანი თვითმავალი საარტილერიო დანადგარი 2S9 NONA სამაჩაბლოში
