უკრაინაში საძიებო ექსპედიციის დროს აღმოჩენილი იქნა მეორე მსოფლიო ომში დაღუპული ოცი წითელარმიელის ნეშტი, მათ შორის, ერთი ქართველის, აბესალომ ალექსის-ძე ალექსიძის.

უკრაინაში საძიებო ექსპედიციის დროს აღმოჩენილი იქნა მეორე მსოფლიო ომში დაღუპული ოცი წითელარმიელის ნეშტი, მათ შორის, ერთი ქართველის, აბესალომ ალექსის-ძე ალექსიძის.

11.04.2017

ეს წუთია, დამიკავშირდა ჩემი კოლეგა ჩეჩნეთიდან. მაცნობა, რომ ერთ-ერთი საძიებო ექსპედიციის დროს აღმოჩენილი იქნა მეორე მსოფლიო ომში დაღუპული ოცი წითელარმიელის ნეშტი, მათ შორის, ერთი ქართველის, აბესალომ ალექსის-ძე ალექსიძის. ჯარისკაცს ჰკეთებია მედალიონი, რომლზედაც ამოკითხული იქნა საბჭოთა არმიაში გაწვევის თარიღი (09.11.1940) და მისამართი: ქ.თბილისი, საბურთალო, მე-4 ახალშენის ქ. 13. ცნობილია, რომ უგზო-უკვლოდ დაკარგულ ჯარისკაცს 1948 წელს ეძებდა დედა, სოფიო ათანასეს ასული ალექსიძე, მცხ. ქ.თბილისი. ახმეტელის ქ.26-ში.
“გთხოვთ, მოძებნოთ მისი ნათესავები და აცნობოთ, რომ აბესალომი არ დაკარგულა უგზო-უკვლოდ, იგი გმირულად დაიღუპა გერმანელ ფაშისტებთან ბრძოლაში და თუ იქნება ქართული მხარის ნებართვა, ჩვენ მას სამშობლოში დავაბრუნებთ”, – მწერს წყარო.
ჩვენ ყველა საშუალებით, სამთავრობო იქნება თუ არასამთავრობო, ვიწყებთ აბესალომ ალექსიძის ნათესავების ძებნას. თუ ვინმეს გსმენიათ მათ შესახებ, გთხოვთ, დამიკავშირდეთ.

ამის შესაებ ფეიქბუქის საკუთარ გვერდზე ჟურნალ “ვეტერანების” რედაქტორი, სამხედრო ჟურნალისტი ქალბატონი ზაირა მიქატაძე წერს.