“ჯაველინები” სიგნალია, რომ რუსეთს საქართველოში შეჭრა ძვირი დაუჯდება”

“ჯაველინები” სიგნალია, რომ რუსეთს საქართველოში შეჭრა ძვირი დაუჯდება”

10.12.2017

WASHINGTON, DC - MAY 06: Deputy Assistant Secretary of Defense for Russia/Ukraine/Eurasia Evelyn Farkas testifies during a hearing before the Senate Foreign Relations Committee May 6, 2014 on Capitol Hill in Washington, DC. The committee held a hearing on "Ukraine - Countering Russian Intervention and Supporting a Democratic State." (Photo by Alex Wong/Getty Images)

აშშ–ის თავდაცვის მდივნის ყოფილი ასისტენტის ეველინ ფარკასის განცხადებით, ჯავშან-საწინააღმდეგო სისტემა “ჯაველინები,” რომელსაც ამერიკა თბილისს მიჰყიდის, რუსეთს სიგნალს გაუგზავნის, რომ ნებისმიერი ახალი სამხედრო თავდასხმა საქართველოზე მოსკოვს ძვირი დაუჯდება.
ამის შესახებ ფარკასმა “ამერიკის ხმასთან” საუბრისას განაცხადა.
“ვფიქრობ ეს არა მარტო დროული, არამედ ცოტა დაგვიანებული გადაწყვეტილებაც კია. 2012-დან 2015 წლამდე თავდაცვის სამ სხვადასხვა მდივანს მე პირადადვურჩევდიჯაველინების მიყიდვის გადაწყვეტილების მიღებას. ობამას ადმინისტრაციას ამ გადაწყვეტილების მიღება არ სურდა, რამაც საკითხი ღიად დატოვა ტრამპის ადმინისტრაციისთვის. ძალიან მიხარია, რომ საბოლოო ჯამში, საკითხი საქართველოს სასარგებლოდ გადაწყდა. ახლა მთავარი საკითხი ისაა, თუ როგორ გადაიხდის იარაღის საფასურს საქართველო. ჯერ არ ვიცით გამოყოფს თუ არა ამერიკის მთავრობა საქართველოსთვის იმდენ დახმარებას, რომ ჯაველინების სრული ფასი დაიფაროს. თუმცა, საქართველოს, სავარაუდოდ ექნება სისტემის ეტაპობრივი შესყიდვის საშუალება. მთავრობას მოვუწოდებ, იმოქმედოს სწრაფად და გააკეთოს ყველაფერი ამ იარაღის მისაღებად. ეს თავდაცვითი იარაღია, რომელიც რუსეთს სიგნალს გაუგზავნის, რომ ნებისმიერი ახალი თავდასხმა საქართველოზე მოსკოვს ძვირი დაუჯდება – დაიღუპებიან რუსი ჯარისკაცები და განადგურდება რუსული ტანკები”, – განაცხადა ფარკასმა.
კითხვაზე, გააღიზიანებს თუ არა აშშ–ის სახელმწიფო დეპარტამენტის ხსენებული გადაწყვეტილება მოსკოვს, ფარკასმა განაცხადა, რომ  “რუსები ყოველთვის იქნებიან გაღიზიანებული საქართველოს მთავრობის ამა თუ იმ ნაბიჯით”
“ადამიანებმა უბრალოდ უნდა შეიმუშავონ უნარი ყურადღება არ მიაქციონ რუსეთის გაღიზიანებულ მდგომარეობაში ყოფნას. სხვა რისი გაკეთება შეუძლიათ გარდა იმისა, რომ ისაუბრონ იმაზე, რომ გაღიზიანებული არიან. ეს თავდაცვითი სისტემაა, რომლის ერთადერთი მიზანი რუსეთის მხრიდან დამატებითი სამხედრო მოქმედების შეკავებაა. ამ იარაღს რეგიონში სამხედრო ბალანსის შეცვლა უბრალოდ არ შეუძლია და ეს ყველამ იცის. გარდა ამისა, საქართველოს მხრიდან ამ მიზნის დასახვა სრულიად წარმოუდგენელია, ჯაველინები აუცილებელი იარაღია იმისთვის, რომ საქართველოს თავის დაცვის შესაძლებლობა ჰქონდეს”, – განაცხადა ფარკასმა.

 

 

 

error: სტატიის დაკოპირება აკრძალულია!!!