Agile Spirit 2017-ისთვის განკუთვნილი ამერიკული ჯავშანტექნიკა საქართველოში შემოვიდა.ფოტო(ვიდეო)

Agile Spirit 2017-ისთვის განკუთვნილი ამერიკული ჯავშანტექნიკა საქართველოში შემოვიდა.ფოტო(ვიდეო)

3.09.2017

 

21192726_1704658022900266_390027927361967558_n

მრავალეროვნული სამხედრო სწავლება Agile Spirit 2017-ისთვის განკუთვნილი მძიმე და მსუბუქი ჯავშანტექნიკა უკვე საქართველოშია. M1 Abrams ტიპის ტანკები, საბრძოლო ჯავშანტრანსპორტიორები LAV, ასევე მსუბუქი და მხარდამჭერი ტექნიკა ფოთის პორტში ჩამოიტვირთა და სარკინიგზო გზით ახალციხეში, ორფოლოს პოლიგონზე გაემართა.
აშშ-ის საზღვაო ქვეითების ჯავშანტექნიკას ფოთის პორტში საქართველოს შეიარაღებული ძალების გენერალური შტაბის უფროსის პირველი მოადგილე, პოლკოვნიკი ნიკოლოზ ჯანჯღავა დახვდა.
Agile Spirit 2017 საქართველოს შეიარაღებული ძალების სახმელეთო ჯარების დასავლეთ სარდლობის და აშშ-ის საზღვაო ქვეითთა კორპუსის ევროპისა და აფრიკის ძალების ორგანიზებით გაიმართება. სამხედრო სწავლებას ლეიტენანტ შოთა ხურციძის სახელობის ჯავშანსატანკო სასწავლო ცენტრი და ,,ორფოლოს” პოლიგონი უმასპინძლებს.
წვრთნები სამეთაურო საშტაბო და საველე მომზადებას მოიცავს და მისი მიზანი ნატოს რეაგირების ძალების შემადგენლობაში ერთობლივ ოპერაციებში ან კრიზისებზე რეაგირებისათვის მზადყოფნა, სწავლებაში მონაწილე ქვეყნების შეიარაღებული ძალების ქვედანაყოფებს შორის ტაქტიკურ დონეზე ურთიერთქმედებების გაუმჯობესება, ქვეითი და მექანიზირებული ქვედანაყოფების შერწყმა, ასევე ამერიკის შეერთებულ შტატებთან და პარტნიორ ქვეყნებთან ურთიერთანამშრომლობის დახვეწაა.
სწავლების საველე და სამეთაურო საშტაბო ფაზები ოფიციალურად, 3 სექტემბერს დაიწყება და 11 სექტემბერს საჩვენებელი წვრთნებით დასრულდება.

21230900_1704658019566933_8697398904866061316_n

21314795_1704658072900261_8798949807235512267_n

21231157_1704658082900260_6945494671541583280_n

21192936_1704658016233600_8537306796772219138_n

error: სტატიის დაკოპირება აკრძალულია!!!