ნოემბერი 27, 2022

Gmas.ge

ქართული სამხედრო ანალიტიკური პორტალი

თავდაცვის მინისტრის ანგარიში და უწყების ძირითადი მიმართულებები

თავდაცვის მინისტრის ანგარიში და უწყების ძირითადი მიმართულებები

14.02.2018

27797357_1877171032315630_2641488822169162148_o

2018 წლის 13 თებერვალს საქართველოს პარლამენტში თავდაცვისა და უშიშროების კომიტეტში საქართველოს თავდაცვის მინისტრის ლევან იზორიას ანგარიშის მოსმენა გაიმართა.

  • ოპტიმიზაცია და საბრძოლო მზადყოფნის ამაღლება – თავდაცვის სტრატეგიული მიმოხილვის დოკუმენტი (თსმ) 2017-2020-ის ფარგლებში თავდაცვის სისტემაში ჩატარდა მასშტაბური ოპტიმიზაცია, რომელიც ითვალისწინებდა როგორც სტრუქტურულ ცვლილებებს ასევე გამოყოფილი რესურსების ეფექტურ გამოყენებას საბრძოლო მზადყოფნის ამაღლების მიზნით. ოპტიმიზაციის შედეგად დაიზოგა 32 მილიონ ლარზე მეტი, რომლის უდიდესი ნაწილი მოხმარდება ინფრასტრუქტურული პროექტების განხორციელებას.
  • პერსონალის ხარჯის შემცირება – თავდაცვის სამინისტროს რესურსების ეფექტური გამოყენების პოლიტიკიდან გამომდინარე მოხდა პერსონალის ხარჯის (მოიცავს შრომის ანაზღაურება, სოციალური უზრუნველყოფა – დახმარებები, სამედიცინო დაზღვევა) შემცირება ნატოს სტანდარტების შესაბამისად – 2015 – 66,4% ; 2018 – 53,1%
  • შეიარაღების ბიუჯეტი სამხედრო დანახარჯების 20,9%-ს შეადგენს – თავდაცვის სამინისტროს მიერ განხორციელებული პოლიტიკის შედეგად, შეიარაღების ბიუჯეტის წილი მთლიან სამხედრო დანახარჯებში 20,9% გახდა. ამ მაჩვენებლით, თავდაცვის სამინისტრომ დანერგა ნატოს სტანდარტი, რაც შეიარაღები ბიუჯეტის წილს მთლიან სამხედრო დანახარჯებში 20%-ს ითვალისწინებს. 2015 – 4,4%, 2018 – 20,9%
  ნატოს სტანდარტი საქართველოს თავდაცვის სამინისტრო
თავდაცვის ბიუჯეტი მშპ-სთან მიმართებით  2% 2%
შეიარაღების ბიუჯეტის წილი სამხედრო დანახარჯებში 20% 20,9%
პერსონალის ხარჯების წილი თავდაცვის ბიუჯეტში 50-53% 53,1%
  • საქართველოს თავდაცვის მზადყოფნის პროგრამა (GDRP)აშშს უდიდესი მხარდაჭერით მოხდა საქართველოს თავდაცვის მზადყოფნის პროგრამის (GDRP) ინიცირება, რაც ხარისხობრივად აამაღლებს საქართველოს შეიარაღებული ძალების მზადყოფნას. პროგრამის მხარდაჭერის მიზნით 2017 წლის ბიუჯეტის პროექტში მოხდა 20 მილიონ ლარზე მეტის მობილიზება. პროგრამა მოიცავს როგორც წვრთნების ჩატარებას, ასევე შეიარაღებული ძალების ინსტიტუციურ განვითარებას. პროგრამის ფარგლებში დაკომპლექტდება, გაიწვრთნება და აღიჭურვება 9 სამანევრო ბატალიონი. აღნიშნული პროგრამით საქართველო-აშშ-ის ორმხრივი ურთიერთობები თვისობრივად ახალი ეტაპზე გადადის.
  • ნატო-საქართველოს ურთიერთობები ძლიერდება – 2017 წლის განმავლობაში ჩატარდა არაერთი უმაღლესი დონის შეხვედრები : ნატო-საქართველოს კომისია (NGC), ნატო სამხედრო კომიტეტის სხდომა საქართველოში(CMC), ნატოს საპარლამენტო ასამბლეა საქართველოში(NATO PA), შეხვედრები მაღალ დონეზე ნატოს წევრ და პარტნიორი ქვეყნების თავდაცვის უწყების ხელმძღვანელებთან, განსაკუთრებით აღსანიშნავია სტრატეგიულ პარტნიორთან – აშშ-თან განხორციელებული ვიზიტები- აშშ-ს ვიცე პრეზიდენტის ვიზიტი საქართველოში მრავალეროვნულ სწავლების Noble Partner-ის ფარგლებში, ორმხრივი შეხვედრა აშშ-ის თავდაცვის მდივანთან, ჯეიმს მატისთან.
  • ჰაერსაწინააღმდეგო თავდაცვის შესაძლებლობები – ფრანგულ მხარესთან ხელმოწერილი ჰაერსაწინააღმდეგო შესაძლებლობების გაზრდის კონტრაქტი აქტიურად მიმდინარეობს. ამ ეტაპისთვის კომპანია Thales-ის მიერ საქართველოში შემოტანილია და ტესტირებას გადის, ადრეული აღმომჩენი რადიოლოკაციური რადარი, და მობილური ტაქტიკური საკომანდო პუნქტი. აღნიშნული კონტრაქტი 2018 წლის მეორე კვარტალში დასრულდება.

 

  • ჯავშანსაწინააღმდეგო სარაკეტო სისტემა „ჯაველინი“ უკვე საქართველოშია – აშშ-ის კონგრესის გადაწყვეტილებით საქართველოს გადაეცა უახლესი ანტისატანკო საშუალება, რაც საქართველოს მიმართ ნდობის მაღალ ხარისხზე მეტყველებს.
  • საჰაერო თავდაცვითი შესაძლებლობების განვითარება – მიმდინარე წელს დაგეგმილია არსებული ვერტმფრენების პარკის განახლებამოდერნიზება, რისთვისაც 23 მილიონი ლარი ბიუჯეტში უკვე გამოყოფილია.
  • საერთაშორისო წვრთნები – გაიზარდა საქართველოს ტერიტორიაზე ნატოსა და პარტნიორ ქვეყნებთან ერთად ჩატარებული მასშტაბური წვრთნების რაოდენობა. გაიზარდა როგორც მონაწილე მხარეებისა და ასევე გამოყენებული სამხედრო ტექნიკის მრავალფეროვნება. ამ კუთხით განსაკუთრებით აღსანიშნავია წვრთნები – Noble Partner და Agile Spirit.

 

  • თანამშრომლობის ახალი ფორმატი – სკანდინავიის ქვეყნებში 2017 წლის მინისტრის ვიზიტის შედეგად, საქართველო მიწვეულ იქნა სკანდინავიისა და ბალტიისპირეთის (Nordic-Baltic) თანამშრომლობის ფორმატში რომელიც განსაკუთრებით ღირებულია როგორც პოლიტიკური კონსულტაციების ასევე სამხედრო თანამშრომლობის თვალსაზრისით.

 

  • სავალდებულო სამხედრო სამსახური – თვისობრივად გაუმჯობესდა სავალდებულო სამხედრო სამსახური. დაინერგა მიდგომა, რომელიც ითვალისწინებს 3 მნიშვნელოვან სიახლეს: 1) თითოეული ახალწვეული გაივლის საწყის საბრძოლო მომზადების კურსს (3თვე) და შემდგომ საბრძოლო მომზადებას; ასევე მთელი წელის განმავლობაში გაივლიან იგივე პრაქტიკულ და თეორიულ მომზადებას, რასაც გადის საკონტრაქტო სამხედრო მოსამსახურე 2) ახალწვეულებს შესაძლებლობა აქვთ ისარგებლონ გაზრდილი უქმე დღეებით; 3) გაიზარდა წვევამდელთა თვიური ანაზღაურება.

 

  • რეზერვისა და მობილიზაციის ახალი სისტემა – თავდაცვის სამინისტრომ შეიმუშავა რეზერვისა და მობილიზაციის ახალი სისტემა, რომელიც უზრუნველყოფს მართვის მაღალ ხარისხს, სამობილიზაციო რესურსის ეფექტურ გამოყენებას და გააძლიერებს ქვეყნის თავდაცვის უნარიანობას. აღნიშნული სისტემა მოიცავს ნებაყოფლობითობისა და ანაზღაურების ელემენტებს.

 

  • სამხედრო მოსამსახურეთა და მათი ოჯახების სოციალური უზრუნველყოფა –

 

  • საერთაშორისო მისიებში დაღუპული ყველა სამხედრო მოსამსახურის ოჯახი უზრუნველყოფილია ბინით;
  • 2017 წელს 242 საცხოვრებელი ფართი გადაეცა მოქმედ, ყოფილ  სამხედრო მოსამსახურეს და გარდაცვლილი სამხედრო მოსამსახურის ოჯახს.
  • მოხდა დაჭრილი და დაშავებული სამხედრო მოსამსახურეების რეაბილიტაციისა და საზოგადოებაში რეინტეგრაციისთვის მრავალი ღონისძიების ორგანიზება;
  • სამშვიდობო მისიებსა და 2008 წლის აგვისტოს ომის დროს დაშავებულ 19 სამხედრო მოსამსახურეს ჩაუტარდა რეპროთეზირება, გერმანული კომპანია Ottobock-ის მიერ წარმოებული უახლესი ტექნოლოგიების პროთეზებით. პროთეზირება/რეპროთეზირების სერვისი ყოველწლიურად უტარდება 42 ამპუტირებულ სამხედრო მოსამსახურეს.
  • ინფრასტრუქტურული განვითარება – საანგარიშო პერიოდში, ინფრასტრუქტურის მოწესრიგება წარმოადგენდა მნიშვნელოვან პრიორიტეტს. საერთო საჯარისო ცენტრის განვითარებისათვის დაიხარჯა 3 874 425 ლარი. ცენტრის განვითარებას უდიდესი მნიშვნელობა აქვს პირადი შემადგენლობის მომზადება გაუმჯობესებისთვის. საერთო საჯარისო ცენტრში უმცროს ოფიცერთა და სპეციალისტთა მომზადების 80-მდე სასწავლო პროგრამა ხორციელდება.
  • 2017 წელს სამხედრო ჰოსპიტალის ინფრასტრუქტურული ბაზის განვითარებისათვის დაიხარჯა 971 200 ლარი.
  • 2020 წლამდე თვისობრივად განვითარდება ქ. ხონში არსებული სამხედრო ქალაქი, რომელიც გახდება მე-3 ქვეითი ბრიგადის ყველა ქვედანაყოფის ძირითადი დისლოკაციის ადგილი, ხოლო ქუთაისი კი განვითარდება როგორც დასავლეთის მიმართულების სახმელეთო ჯარების ოპერატიული მართვის ცენტრი. ხონში არსებული სამხედრო ქალაქის განვითარების სამუშაოები 2018 წელს დაიწყება.
  • საქართველოს თავდაცვის მზადყოფნის პროგრამის(GDRP) ბაზის ინფრასტრუქტურის შექმნა. 2017 წელს ამ მიზნით დაიხარჯა 18,5 მილიონი ლარი.  აშშ-ის მხარდაჭერით ინიცირებული „საქართველოს თავდაცვის მზადყოფნის პროგრამა“ უმნიშვნელოვანეს ინსტრუმენტს წარმოადგენს საქართველოს შეიარაღებული ძალების მოდერნიზაციისა და თავდაცვის შესაძლებლობების გაზრდის კუთხით, რაც საბრძოლო მზადყოფნის ამაღლების გარანტიას იძლევა.
  • წარმატებით განხორციელდა ნატო-საქართველოს არსებითი პაკეტის (SNGP) ერთი ინიციატივა – 2014 წლის 25 ივნისის შეხვედრაზე მოკავშირე ქვეყნების საგარეო საქმეთა მინისტრები შეთანხმდნენ საქართველოსთვის „არსებითი პაკეტის” შემუშავების თაობაზე. პაკეტის ფარგლებში, პირველ ეტაპზე ჩამოყალიბდა 13 ინიციატივა, ხოლო 2016 წლიდან დაემატა კიდევ ორი. აღნიშნული პროგრამა მნიშვნელოვან ინსტრუმენტს წარმოადგენს საქართველოს შეიარაღებული ძალების ტრანსფორმაციისა და თავდაცვის შესაძლებლობების გაზრდის კუთხით. 2017 წელს წარმატებით დაიხურა სტრატეგიული და ოპერატიული დაგეგმვის ინიციატივა.

 

error: სტატიის დაკოპირება აკრძალულია!!!