მოსკოვის 1994 წლის შეთანხმება ცეცხლის შეწყვეტისა და ძალთა დაშორიშორების შესახებ.
1994 წლის 4 აპრილს მოსკოვში ხელმოწერილ ქართულ-აფხაზთაკონფლიქტის პოლიტიკური მოწესრიგების ღონისძიებათა შესახებ განცხადებაში მხარეებმა ვალდებულება იკისრეს ზუსტად დაიცვან აღნიშნული თარიღიდან ცეცხლის ოფიციალური შეწყვეტა, აგრეთვე, კვლავ დაადასტურეს თავიანთი ვალდებულებაუარი თქვან ძალის გამოყენებასა თუ ერთმანეთის წინააღმდეგ მისი გამოყენების მუქარაზე, რაც მათ იკისრეს 1994 წლის 13 იანვრის კომუნიკეთი. ეს ვალდებულება ძალაში რჩება. ეს შეთანხმება ცეცხლის შეწყვეტისა და ძალთა დაშორიშორების შესახებ ოფიციალურად განამტკიცებს ამ ვალდებულებას.
1.მხარეები განუხრელად დაიცავენ ცეცხლის შეწყვეტას ხმელეთზე, ზღვასა და საჰაერო სივრცეში და თავს შეიკავებენ ერთმანეთის წინააღმდეგ ყველა სამხედრო მოქმედებისაგან.
2.მხარეთა შეიარაღებული ძალების დაშორიშორება მოხდება შემდეგი პრინციპების შესაბამისად:
1) B და D ხაზებს შორის რაიონი დართულ რუკაზე იქნება უსაფრთხოების ზონა. ამ ზონაში არ უნდა იყოს შეიარაღებული ძალები და მძიმე საბრძოლო ტექნიკა. A და B და D და E ხაზებს შორის ტერიტორია იქნება შეზღუდული შეიარაღების ზონა. მასში არ უნდა იყოს მძიმე საბრძოლო ტექნიკა. უსაფრთხოების ზონასა და შეიარაღების შეზღუდვის ზონაში მოქმედებენ ადგილობრივი სამოქალაქო ხელისუფალნი. ამ მიზნით აქ გამოყენებულ პოლიციას (მილიციას) შეიძლება ჰქონდეს პირადი იარაღი.
მძიმე საბრძოლო ტექნიკაში შედის:
_ ყველა საარტილერიო ქვემეხი და 80 მილიმეტრზე მეტი კალიბრის ნაღმსატყორცნები;
_ ყველა ტანკი;
_ ყველა ჯავშანტრანსპორტიორი.
2) დამოუკიდებელ სახელმწიფოთა თანამეგობრობის სამშვიდობო ძალები და ამ შეთანხმების ოქმის შესაბამისად დამტკიცებული სამხედრო მეთვალყურენი განლაგდებიან უსაფრთხოების ზონაში, რათა თვალი გაადევნონ ამ შეთანხმების დაცვას.
3) უსაფრთხოების ზონიდან და შეიარაღების შეზღუდვის ზონიდან გამოყვანილი მძიმე საბრძოლო ტექნიკა მოთავსდება მონიშნულ რაიონებში, რომლებსაც განსაზღვრავენ მხარეები და დაექვემდებარება გაერთიანებული ერების ორგანიზაციის სამხედრო დამკვირვებელთა მეთვალყურეობას.
4) დამოუკიდებელ სახელმწიფოთა თანამეგობრობის სამშვიდობო ძალების წარმომადგენელთა და გაერთიანებული ერებისორგანიზაციის მეთვალყურეთა კონტროლით, მხარეთა წარმომადგენლობის მონაწილეობით კოდორის ხეობიდან მოხდება საქართველოს რესპუბლიკის ჯარების გადაყვანა მათი დისლოკაციის ადგილებში აფხაზეთის ფარგლებს გარეთ.
იმავდროულად კოდორის ხეობაში განხორციელდება სამშვიდობო ძალებისა და საერთაშორისო მეთვალყურეთა რეგულარული პატრულირება.
5) დაიშლება და გაყვანილ იქნება ყველა მოხალისე ფორმირება, რომლებიც შედგება აფხაზეთის ფარგლებს გარედან შემოსული პირებისაგან.
6) სამშვიდობო ძალების ნაწილებისა და ქვეგანაყოფების, აგრეთვე საერთაშორისო მეთვალყურეთა გადაადგილება უსაფრთხოების ზონის გარეთ შესაბამის ტერიტორიებზე შეთანხმებული იქნება მხარეებთან.
7) გაერთიანებული ერების ორგანიზაციის სამხედრო დამკვირვებლების მეთვალყურეობის ქვეშ იქნება აგრეთვე სანაპიროწყლები და საჰაერო სივრცე A და D პუნქტებს შორის.
8) სამშვიდობო ძალებზე თავდასხმის ან უშუალო სამხედრო მუქარის შემთხვევაში ისინი იღებენ უსაფრთხოებისა და თავდაცვის შესაბამის ზომებს.
3.პირველ ეტაპზე სამშვიდობო ძალების განლაგების გეგმასა დაშორიშორების ზუსტი ხაზების აღნიშვნას შეიმუშავებს სამშვიდობო ძალების სარდლობა მხარეთა მონაწილეობით. ყველაფერი ეს უნდა გადაწყდეს ლტოლვილთა და იძულებითი გადაადგილებულთა დაბრუნების განგრძობის, ეტაპობრივი სრულმასშტაბიანი მოწესრიგების და შეთანხმების შესაბამისად სამუშაოჯგუფში, რომელიც მუშაობას დაიწყებს ამ მიზნით მოსკოვში აღნიშნული შეთანხმების ხელმოწერის მომენტიდან ხუთი დღისგანმავლობაში. ისინი ამ ამოცანას შეასრულებენ ხუთი დღის განმავლობაში. დაშორიშორება დაიწყება ასევე მომდევნო ხუთიდღის შემდეგ, როცა სამუშაო ჯგუფი შეასრულებს თავის ამოცანებს. დაშორიშორების პროცესი დამთავრდება მისი დაწყების მომენტიდან არაუგვიანეს ათი დღის შემდეგ.
4.უსაფრთხოების ზონისა და შეიარაღების შეზღუდვის ზონისრუკას შეიცავს დანართი A. ოქმი.
ოქმი, რომელიც დამოუკიდებელ სახელმწიფოთა თანამეგობრობის სამშვიდობო ძალებს ეხება, აცხადებს შემდეგს:
მხარეები თანხმდებიან იმას რომ: დამოუკიდებელ სახელმწიფოთა თანამეგობრობის სამშვიდობო ძალების ფუნქციები ის იქნება, რომ მაქსიმალური ძალისხმევა მოახმაროს ცეცხლის შეწყვეტის დაცვასა და მისი განუხრელიშესრულების უზრუნველყოფას. გარდა ამისა, მათმა ყოფნამ ხელიუნდა შეუწყოს ლტოლვილთა და იძულებით გადაადგილებულთაუსაფრთხო დაბრუნებას, უწინარეს ყოვლისა, გალის რაიონში. მეთვალყურეობას გაუწევენ შეთანხმებისა და დართული ოქმისგანხორციელებას უსაფრთხოების და შეიარაღების შეზღუდვის ზონებში. თავისი მისიის შესრულების დროს ისინი დაიცავენადგილობრივ კანონებს და დადგენილებებს და არ შეუქმნიანდაბრკოლებებს ადგილობრივი სამოქალაქო ადმინისტრაციისსაქმიანობას. ისინი უსაფრთხოებისა და შეიარაღების შეზღუდვის ზონებში ისარგებლებენ თავისუფალი გადაადგილების, კავშირებისა და სხვა შეღავათების გამოყენების უფლებით, რომლებიც საჭიროა მათი მისიის შესასრულებლად.
დამოუკიდებელ სახელმწიფოთა თანამეგობრობის სამშვიდობო ძალები იმოქმედებენ დროებითი გაერთიანებული სარდლობისა და სამშვიდობო ძალების სარდლის მეთაურობით.
5.სრულმასშტაბიანი პოლიტიკური მოწესრიგების პროცესი გაგრძელდება.
6.მხარეები გაერთიანებული ერების ორგანიზაციის უშიშროების საბჭოს სთხოვენ გააფართოოს გაეროს სამხედრო მეთვალყურეთა მანდატი, რათა იგი ითვალისწინებდეს აღნიშნულ მოქმედებაში მათ მონაწილეობას.
7.მხარეები დამოუკიდებელ სახელმწიფოთა თანამეგობრობის მონაწილე სახელმწიფოების მეთაურთა საბჭოს 1994 წლის 15 აპრილის განცხადების საფუძველზე სთხოვენ საბჭოს მიიღოს გადაწყვეტილება ქართულ-აფხაზური კონფლიქტის ზონაში კოლექტიური სამშვიდობო ძალების გამოყენების შესახებ.
საქართველოს მხარის სახელით ჯ. იოსელიანი. აფხაზთა მხარისსახელით ს. ჯინჯოლია.
მოსკოვი, 1994 წლის 14 მაისი.
