1992 წლის 2 თებერვლის სისხლიანი სასაკლაო თამარ მეფის ხიდზე მოკლული იქნა 16-ზე მეტი ადამიანი, ხოლო დაიჭრა 50-ზე მეტი დემონსტრანტი.
1992 წელს მთელი იანვრის მანძილზე და თებერვლის დასაწყისში იმართებოდა საკმაოდ მრავალრიცხოვანი მიტინგები თბილისის ქუჩებში. 3 იანვარს დიდუბის მეტროსთან და 7 იანვარს დელისის მეტროსთან, ცეცხლსასროლი ჭრილობისაგან რამდენიმე ადამიანი დაიღუპა. მშვიდობიან დემონსტრანტთა მსხვერპლი მერეც არაერთხელ იყო, მაგრამ ყველაზე განსაკუთრებული სისასტკით 1992 წლის 2 თებერვლის მიტინგი დაიხვრიტა. განსაკუთრებული სისატიკით დახვრეტამ ყველა გააოგნა და მათ 1989 წლის 9 აპრილი გაახსენდათ. ზოგიერთი მონაცემით 2 თებერვლის მშვიდობიანი მარშის დროს მოკლული იქნა 16-ზე მეტი ადამიანი, ხოლო დაიჭრა 50-ზე მეტი დემონსტრანტი. ეს მხოლოდ თამარ მეფის ხიდის მიმდებარე ტერიტორიაზე. აგრეთვე არაოფიციალური, მაგრამ დაზუსტებული წყაროებით, თამარ მეფის მიმდებარე ტერიტორიის ჩათვლით, მხოლოდ იმ დღეს, თბილისში, სხვადასხვა ადგილას 23 ადამიანი მოკლეს და 183 – დაჭრეს. ყველაზე დიდი პასუხისმგებლობა პირდაპირ ეკისრება სამხედრო საბჭოს და განსაკუთრებით პირადად ჯაბა იოსელიანს. 1992 წლის იანვრის ბოლოსთვის მიტინგებმა განსაკუთრებით მასშტაბური ხასიათი მიიღო და უკვე მთავრობის სახლთანაც იმართებოდა საპროტესტო აქციები. 29 და 30 იანვრის მასშტაბური აქციების შემდგომ სამეგრელოდან თბილისში სპეციალოურად ჩამოვიდა, სამეგრელოში მოსახლეობის დასატერორებლად მყოფი ჯაბა იოსელიანი, რათა თავისი მეთოდებით დაემყარებინა თბილისში წესრიგი. სწორედ მისი ინტერვიუ გავიდა იმ დღეებში ტელევიზიით, სადაც მან განაცხადა: “დემოკრატია ლობიოობა არ არისო!” და “ჩვენ ვაჩვენებთ ყველას რა არის დემოკრატია!….ადგილზე დაიხვრიტება, ადგილზე დაიხვრიტება ყველა პროვოკატორიო”. მან 1992 წლის 2 თებერვალს სიტყვა შეასრულა და 2 თებერვლის ყველაზე მასშტაბური აქცია განსაკუთრებული სისასტიკით დაიცხრილა. სადაც მრავალი ადამიანი დაიღუპა. ამ მშვიდობიანი მარშის დროს ყველაზე მეტი ადამიანი დაიღუპა 1989 წლის 9 აპრილის შემდგომ.
p.s 1989 წლის 9 აპრილს რუს სამხედროებს არ უსვრიათ ცეცხლსასროლი იარაღით მომიტინგებისთვის და 1992 წლის 2 თებერვალს ე.წ სამხედრო საბჭოს დაქვემდებარებაში არსებულმა შენაერთების ქართველმა სამხედროებმა კალაშნიკოვის ავტომატებით ცეცხლი გაუხსნეს მშვიდობიან ქართველ დემოსტრანტებს.
